Eu, Susana Varela Amboage, secretaria xudicial do Xulgado do Social número 3 de Santiago de Compostela, fago saber que no procedemento de execución de títulos xudiciais 10/2016 deste xulgado do social, seguido por instancia de Pedro Luaña Louzao contra Grafinova, S.A., Fondo de Garantía Salarial, foron ditados auto e Decreto do 24 de febreiro de 2016, cuxa parte dispositiva é do teor literal seguinte:
Parte dispositiva do auto:
«Parte dispositiva:
Dispoño: despachar orde xeral de execución a favor da parte executante, Pedro Luaña Louzao, contra Grafinova, S.A., parte executada, polo importe de 5.185,23 euros en concepto de principal, máis 613,70 euros de xuros previstos no artigo 29.3 do ET, máis 579,89 euros que se fixan provisoriamente en concepto de xuros que, se é o caso, poidan producirse durante a execución, e as custas desta, sen prexuízo da súa posterior liquidación.
Notifíquese ao Fogasa.
O presente auto, xunto co decreto que ditará o/a secretario/a xudicial, e copia da demanda executiva, serán notificados simultaneamente á parte executada, tal e como dispón o artigo 553 da LAC, co cal queda a executada apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderase interpor recurso de reposición ante este órgano xudicial, no prazo dos tres días hábiles seguintes á súa notificación, no cal, ademais de alegar as posibles infraccións en que incorreu a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que tiveren acontecido con posterioridade á constitución do título e sen que a compensación de débedas sexa admisible como causa de oposición á execución.
Se o recorrente non tiver a condición de traballador ou beneficiario do réxime público de seguridade social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta no Banco Santander mediante transferencia en 00493569920005001274, e no campo “concepto” deberá indicar o número de conta 5076/0000/64/0010/16. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución impugnada no formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
O/a maxistrado/a xuíz. O/a secretario/a xudicial».
Foi ditado Decreto do 24 de febreiro de 2016, cuxa parte dispositiva é do teor literal seguinte:
«Parte dispositiva:
Acordo, en cumprimento do requisito que se contén no artigo 276.3 e previo á estimación na presente executoria da pervivencia da declaración de insolvencia da parte executada Grafinova, S.A., dar audiencia previa á parte demandante Pedro Luaña Louzao e ao Fondo de Garantía Salarial, polo termo de quince días, para poderen sinalar a existencia de novos bens, e do seu resultado acordarase o procedente.
Consultada a conta de depósitos e consignacións deste xulgado e figurando un importe de 61,71 euros consignados como consecuencia do embargo feito no procedemento de medidas preventivas 723/2013/001 pola empresa Loureiros Hoteles, S.L., convértanse as medidas preventivas en definitivas (artigo 731 LAC) e transfírase ao número de conta designado pola executante no escrito de demanda o devandito importe á conta do principal.
Notifíquese ás partes e fágaselles saber que, en aplicación do mandado contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados e, se for o caso os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas en canto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou semellantes, sempre que estes últimos estean a ser utilizados como instrumentos de comunicación co tribunal.
Modo de impugnación: mediante recurso de revisión ante o/a secretario/a xudicial que dita esta resolución, interpor no prazo dos tres (3) días hábiles seguintes á súa notificación con expresión da infracción que contén a xuízo do recorrente, sen que a interposición teña efectos suspensivos respecto da resolución impugnada.
O/a secretario/a xudicial».
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
E para que sirva de notificación en legal forma a Grafinova, S.A., en ignorado paradoiro, expido este edicto para a súa inserción no Diario Oficial de Galicia.
Santiago de Compostela, 1 de marzo de 2016
A secretaria xudicial
