Para os efectos previstos no artigo 73 da Lei 34/1998, do 7 de outubro, do sector de hidrocarburos, e no artigo 78 do Real decreto 1434/2002, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, sométese a información pública o seguinte proxecto de autorización administrativa:
• Peticionario.
Gas Galicia SDG, S.A., con CIF nº A15383284 e con enderezo para os efectos de notificación na rúa Lisboa, s/n, Edificio Área Central, local 31-HIJ, 15707 Santiago de Compostela (A Coruña).
• Antecedentes.
O 18 de novembro de 2011 esta dirección xeral ditou resolución pola que se outorgou a Gas Galicia SDG, S.A. a autorización administrativa para a distribución de gas natural canalizado no termo municipal de Ortigueira, na provincia da Coruña (expediente IN627A 2010/9-0); que se publicou no Diario Oficial de Galicia do 30 de decembro de 2011 e no Boletín Oficial da provincia do 23 de decembro.
Conforme o disposto nesta autorización administrativa, a subministración de gas natural ao termo municipal de Ortigueira realizarase desde unha planta de gas natural licuado (GNL) situada no polígono industrial de Cuíña, no termo municipal de Ortigueira e desde a que partirá a rede de distribución cara a este núcleo urbano.
O 21 de decembro de 2015 Gas Galicia SDG, S.A. solicitou a autorización administrativa e a aprobación do proxecto de execución da instalación nunha localización diferente.
• Obxecto da petición.
O obxecto da petición é a autorización administrativa e a aprobación do proxecto de execución denominado «Planta satélite de almacenamento e regasificación de gas natural licuado (GNL) en Ortigueira (A Coruña)».
• Descrición das instalacións.
A planta satélite de GNL situarase na parcela de referencia catastral 15062A070002740000TQ polígono 70, parcela 274 nas Regas, Ortigueira. Gas Galicia SDG, S.A. chegou a acordo co propietario da devandita parcela. Trátase dunha localización diferente á prevista no proxecto que serviu de base para o outorgamento da autorización administrativa a que se fai referencia nos antecedentes.
Proxéctase un módulo de almacenamento de GNL cun depósito horizontal cunha capacidade inicial de 10 m3, ampliable a 30 m3, mediante a instalación dun segundo depósito de 20 m3.
O módulo de 10 m3 proporcionará gas natural nas seguintes condicións, para alimentar a rede de distribución:
– Presión normal de servizo de almacenaxe de GNL > 4 bar
– Capacidade de regasificación: 300 m3(n)/h
– Presión de subministración de GN: 0,4 bar
– Temperatura de subministración de GN: 0-20 ºC
• Termo municipal.
A solicitude afecta o termo municipal de Ortigueira, na provincia da Coruña.
• Orzamento.
Cento corenta mil catrocentos noventa e tres euros con oitenta e seis céntimos (140.493,86 €).
O que se fai público para coñecemento xeral e para que todas aquelas persoas, naturais ou xurídicas, que se consideren prexudicadas nos seus dereitos, poidan presentar as súas alegacións, no prazo de 20 días a partir da data de publicación deste anuncio, podendo examinar o correspondente proxecto na Dirección Xeral de Enerxía e Minas, Edificio Administrativo San Caetano, bloque 5, 4º andar, 15781 Santiago de Compostela, así como na Xefatura Territorial da Coruña da Consellería de Economía, Emprego e Industria, rúa Vicente Ferrer, 2, 15071 A Coruña.
Santiago de Compostela, 12 de febreiro de 2016
Ángel Bernardo Tahoces
Director xeral de Enerxía e Minas
