A persoa titular da Xefatura Territorial de Ourense ditou a resolución dos expedientes sancionadores número OU-01155-O-2015 e outros dous máis por infracción da normativa sobre transporte terrestre.

Intentada a notificación da resolución por correo certificado con aviso de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que, previamente, se publica no Diario Oficial de Galicia. En consecuencia, mediante este anuncio, notifícanse as resolucións ditadas ás persoas interesadas.

Infórmase de que os expedientes sancionadores se atopan á súa disposición nas oficinas do Servizo de Mobilidade de Ourense.

Comunicáselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Dirección Xeral de Mobilidade da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.

As sancións impostas foron aboadas anticipadamente cunha redución do seu importe conforme o previsto no artigo 146.3 da Lei 16/1987, do 30 de xullo, de ordenación dos transportes terrestres.

Ourense, 7 de marzo de 2016

Ángel Míguez López
Xefe do Servizo de Mobilidade de Ourense

ANEXO

Expediente Matrícula Denunciante	Persoa sancionada DNI/CIF Último enderezo coñecido	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta
OU-01155-O-2015 9974-GJJ Garda Civil 3201 A47914C	Alejandro Falagan Prieto 10201052T Monseñor José Álvarez González, 6-4º 32002 Ourense	Diminución do descanso diario fraccionado (sobre 3+9 horas) igual ou superior a 8 horas e inferior a 9 horas. 8.7.2015; 9.19; OU-0514; 1,2	Art. 142.17 LOTT	Art. 143.1.a) LOTT	100 euros
OU-01185-O-2015 8184-JCZ Garda Civil 3203 V46236Y	Transportes y Arrastres Contreras, S.L. B23650864 Fuente del Alamillo, 3-2-2-b 23006 Jaén	Exceso nos tempos máximos de condución diaria (sobre 9 horas). Máis de 9 horas ata 10 horas. 22.7.2015; 17.22; A-52; 181,03	Art. 142.17 LOTT	Art. 143.1.a) LOTT	100 euros
OU-01409-O-2015 1344-DKD Garda Civil 3203 L24919Z	Conxelados San Martiño, S.L. B32334948 Río Avia, 21 2 32001 Ourense	O exceso igual ou superior ao 5 % e inferior ao 15 % sobre a MMA total en vehículos con MMA ata 12 toneladas. Exceso de peso igual ou superior ao 13 %. 23.9.2015; 9.38; A-52; 181,0	Art. 142.2 LOTT	Art. 143.1.c) LOTT	400 euros