De conformidade co establecido nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á empresa relacionada no anexo a resolución ditada no expediente sancionador por infracción na orde social (materia seguridade e saúde), devolta polo servizo de Correos porque, intentada a notificación, esta non se puido efectuar.

Contra esta resolución, que non pon fin á vía administrativa, a interesada poderá interpor recurso de alzada, ante a secretaria xeral de Emprego, no prazo dun mes contado desde o día seguinte ao da súa publicación no Boletín Oficial del Estado, de acordo co establecido nos artigos 48 e 115.1 da Lei 30/1992, sen prexuízo de que poida exercer calquera outro recurso que considere pertinente.

A interesada, durante este prazo, poderá presentarse ante o Servizo de Emprego e Economía Social da Xefatura Territorial da Consellería de Economía, Emprego e Industria de Lugo, situado na rolda da Muralla, 70, planta baixa, das 9.00 ás 14.00 horas, de luns a venres, para os efectos de coñecer integramente o contido da resolución e recoller o documento de pagamento.

Advírteselle que, de non ser interposto o recurso no tempo e na forma, a resolución adquirirá firmeza e deberá aboar a multa imposta a través das entidades colaboradoras que constan no documento de pagamento, xa que, en caso contrario, se procederá á execución pola vía de constrinximento, nos termos previstos na Orde da Consellería de Economía e Facenda do 23 de novembro de 2001.

Lugo, 4 de febreiro de 2016

Pilar Fernández López
Xefa territorial de Lugo

ANEXO

Empresa	Enderezo	NIF	Expediente	Preceptos		Data da resolución
				Infrinxidos	Sancionadores
Panadería Flor de Malva, S.L.	Rúa Flor de Malva 54, baixo, 27003 Lugo	B27420108	90/2011	Artigos 14.2 e 16 da Lei 31/1995, do 8 de novembro, modificada pola Lei 54/2003, do 12 de decembro. Artigos 1 e 2 do Real decreto 39/1997, do 17 de xaneiro, que aproba o Regulamento dos servizos de prevención. Artigos 3.1 e 4, disposición transitoria e punto 1.14 do anexo II do Real decreto 1215/1997, do 18 de xullo, que establece as disposicións mínimas de seguridade e saúde para a utilización por parte dos traballadores dos equipamentos de traballo.	Artigos 12.1.a) e b) e 12.16.b) do Real decreto lexislativo 5/2000, do 4 de agosto, polo que se aproba o texto refundido da Lei de infraccións e sancións na orde social.	8 de outubro de 2015