O Pleno do Concello de Cerdedo, en sesión extraordinaria que tivo lugar o 3 de marzo de 2016, acordou iniciar expediente para a fusión voluntaria dos termos municipais de Cerdedo e Cotobade.

En cumprimento do disposto no artigo 32.2 da Lei 5/1997, do 22 de xullo, de Administración local de Galicia, sométese o expediente a información pública polo prazo de trinta días contados desde o seguinte ao da publicación deste anuncio no Boletín Oficial da provincia e no Diario Oficial de Galicia (última publicación), co fin de que os/as interesados/as presenten as alegacións ou observacións que xulguen pertinentes.

O expediente atópase á disposición dos/das interesados/as para a súa consulta na Casa do Concello de Cerdedo (Praza do Concello, 1, 36130 Cerdedo) os días hábiles, das 9.00 ás 14.00 horas, de luns a venres, e das 10.00 ás 12.00 horas os sábados.

Cerdedo, 4 de marzo de 2016

S. José Balseiros Guinarte
Alcalde