Peza: RPL. Recurso de apelación (LACN) 438/2015
Xulgado de procedencia: Xulgado de Primeira Instancia número 4 de Ferrol
Procedemento de orixe: procedemento ordinario 874/2014
Recorrente: Mónica Muíño Gómez
Procuradora: Ana Belén Seco Lamas
Avogado: José Raúl Meizoso Sardiña
Recorrida: Sociedad Aurora de Somozas (en rebeldía)
Eu, Manuel Ferreiro González, letrado da Administración de xustiza na Audiencia Provincial da Coruña, Sección Terceira, certifico que no presente procedemento RPL nº 438/2015, seguido por instancia de Mónica Muíño Gómez contra a entidade declarada rebelde Sociedad Aurora de Somozas, se ditou sentenza cuxo encabezamento e resolución son do teor literal seguinte:
Sentenza: 340/2015.
Peza: recurso de apelación (LACN)-RPL nº 438/2015.
Sentenza.
Audiencia Provincial. Sección Terceira.
Maxistrados:
María Josefa Ruiz Tovar, presidenta.
María José Pérez Pena.
Rafael Jesús Fernández-Porto García.
Na Coruña o 11 de novembro de 2015.
Vistos en grao de apelación ante a Sección Terceira da Audiencia Provincial da Coruña os autos de procedemento ordinario 874/2014, procedentes do Xulgado de Primeira Instancia número 4 de Ferrol, aos cales correspondeu a peza RPL nº 438/2015, en que aparece como parte apelante/demandante Mónica Muíño Gómez, con DNI nº 32689020-V e domicilio no lugar de Garita, nº 17, da Coruña, representada pola procuradora Sra. Seco Lamas e baixo a dirección do letrado Sr. Meizoso Sardiña, e como apelado/demandado/que non compareceu en rebeldía Sociedad Aurora de Somozas, con domicilio no Foxo, nº 4, As Somozas, sobre danos e perdas por obras, sendo maxistrada relatora María Josefa Ruiz Tovar.
Resolvo:
Estimando o recurso de apelación articulado, revógase a sentenza ditada polo Xulgado de Primeira Instancia número 4 de Ferrol, do 9 de abril de 2015, e no seu lugar estímase en parte a demanda, condenando a demandada a realizar as obras imprescindibles para evitar descascados e esboroamentos de elementos da edificación ou caídas de anacos de materiais, nas fachadas e na cuberta. Así mesmo, rozaranse as fachadas de maleza para evitar gretamentos e limparase a parcela para evitar a existencia de animais e risco de incendios, o que se levará a cabo en execución de sentenza.
Desestímase o resto das pretensións e non se fai unha especial imposición de custas en ningunha de ambas as dúas instancias.
Decrétase a devolución do depósito constituído.
Así, por esta a nosa sentenza, pronunciámola, mandámola e asinámola. Ao estar a entidade demandada, Sociedad Aurora de Somozas, en situación de rebeldía, expídese este edicto para a súa entrega á procuradora Ana Belén Seco Lamas para que o publique no Diario Oficial de Galicia co fin de que lle sirva de notificación en forma á dita entidade.
A Coruña, 18 de novembro de 2015
O letrado da Administración de xustiza