O Concello Pleno, en sesión que tivo lugar o día 21.12.2015, acordou aprobar definitivamente o estudo de detalle para a agregación de dúas parcelas e a ordenación de volumetría e estética das unidades edificatorias 140122 e 140123 (rúa Nova 52-54) do Plan especial de protección, rehabilitación e reforma interior (PEPRI), solicitado por Sagal Inversiones, S.L., co condicionante exposto no informe da directora xeral do Patrimonio Cultural do 12.2.2015 (do que se deu traslado á parte interesada con data do 29.9.2015) que a seguir se transcribe no seu teor literal:
«Os proxectos que desenvolvan o contido do estudo de detalle deben recoller que se debe reducir a apertura do oco da medianeira en planta baixa, prolongando a súa conservación máis aló do núcleo de comunicacións e cara ao fondo da parcela, cando menos un metro en cada ámbito, o cal deberá ser comprobado polo Concello de Lugo no trámite de licenza correspondente, segundo as competencias que lle corresponden en relación co que determina o artigo 47.2 da LPCG».
O acordo de aprobación definitiva do dito estudo de detalle foille comunicado á Consellería de Medio Ambiente e Ordenación do Territorio da Xunta de Galicia con data do 29.1.2016, en cumprimento do establecido no artigo 92.3 da Lei 9/2002, do 30 de decembro, de ordenación urbanística e protección do medio rural de Galicia.
Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Lugo, 29 de xaneiro de 2016
José Antonio Carro Asorey |
P.D. (Decreto 15010037) |
Secretario xeral do Pleno |
Xosé Daniel Piñeiro Villares |
Tenente alcalde delegado da Área de |
|
Desenvolvemento Sostible e Persoal |