A Xunta de Goberno Local do Concello de Lugo, en sesión extraordinaria e urxente realizada o día 23 de decembro de 2015, adoptou o acordo nº 2/882, na parte dispositiva do cal se fai constar:
Primeiro. Aprobar a oferta de emprego público para o ano 2015, co número de prazas de persoal funcionario e de persoal laboral que figuran no anexo, coa indicación das categorías profesionais en que se distribúen.
Segundo. As bases das convocatorias que se van realizar conterán o sistema de selección que se determine, dentro do marco legal vixente, tendo que garantir, en todo caso, os principios de igualdade, mérito, capacidade e publicidade consagrados na constitución.
Terceiro. O presente acordo publicarase no Diario Oficial de Galicia e no Boletín Oficial da provincia de Lugo.
Lugo, 18 de xaneiro de 2016
P.D. (Decreto 15010037)
Xosé Daniel Piñeiro Villares
Tenente alcalde delegado da Área de Desenvolvemento Sostible e Persoal
ANEXO
Persoal funcionario:
– Grupo A1. Escala de Administración especial. Número de vacantes: 1 (quenda libre, en execución de sentenza). Denominación: técnico/a.
– Grupo A1. Escala de Administración xeral. Número de vacantes: 1 (quenda libre) (cuberta interinamente). Denominación: técnico/a.
– Grupo A2. Escala de Administración especial. Número de vacantes: 1 (quenda de promoción interna). Denominación: enxeñeiro/a técnico/a agrícola.
– Grupo A1. Escala de Administración especial. Número de vacantes: 1 (quenda libre, en execución de sentenza). Denominación: axente de Emprego e Desenvolvemento Local.
– Grupo A2. Escala de Administración xeral. Número de vacantes: 1 (quenda de consolidación de emprego temporal, en execución de sentenza). Denominación: técnico/a medio de área económica.
– Grupo A2. Escala de Administración especial. Número de vacantes: 2 (quenda libre, en execución de sentenza). Denominación: educador/a social.
– Grupo A2. Escala de Administración xeral. Número de vacantes: 1 (quenda de promoción interna). Denominación: técnico/a medio de xestión.
– Grupo C1. Escala de Administración especial. Número de vacantes: 1 (quenda libre) (cuberta interinamente). Denominación: técnico/a en xardín de infancia.
– Grupo C1: Escala de Administración xeral. Número de vacantes: 6 (quenda de promoción interna). Denominación: administrativo/a.
– Grupo C1. Escala de Administración especial. Número de vacantes: 1 (quenda libre) (cuberta interinamente). Denominación: delineante.
– Grupo C1. Escala de Administración especial (básica). Número de vacantes: 2 (quenda de mobilidade). Denominación: policía local.
– Grupo C2. Escala de Administración especial. Número de vacantes: 1 (quenda libre, reservada a discapacitados/as) (cuberta interinamente). Denominación: oficial lector/a de contadores.
– Grupo C2: Escala de Administración xeral. Número de vacantes: 1 (quenda libre) (cuberta interinamente). Denominación: auxiliar administrativo/a.
– Grupo C2. Escala de Administración especial. Número de vacantes: 6 (quenda libre) (cubertas interinamente). Denominación: bombeiro/a condutor.
– Grupo C2. Escala de Administración especial. Número de vacantes: 1 (quenda de promoción interna) (cuberta interinamente). Denominación: oficial sepultureiro/a.
– Agrupacións profesionais. Escala de Administración especial. Número de vacantes: 1 (quenda libre, reservada a discapacidade intelectual) (cuberta interinamente). Denominación: axudante de cociña-limpeza.
– Agrupacións profesionais. Escala de Administración especial. Número de vacantes: 1 (quenda libre, reservada a discapacitados/as) (cuberta interinamente). Denominación: celador/a de colexio público.
Persoal laboral:
– Nivel de titulación: graduado escolar. Número de vacantes: 1 (quenda libre) (cuberta interinamente). Denominación: oficial albanel.
– Nivel de titulación: certificado de escolaridade. Número de vacantes: 1 (quenda de consolidación de emprego temporal) (cuberta interinamente). Denominación: auxiliar do fogar.
– Nivel de titulación: certificado de escolaridade. Número de vacantes: 2 (quenda de consolidación de emprego temporal) (cubertas interinamente). Denominación: peón (especialista).