Eu, María Regina Domínguez Cougil, letrada da Administración de Xustiza, do Xulgado de Primeira Instancia número 1 de Ourense,

Anuncio:

No presente procedemento seguido por instancia de Heriberto Maceda Rodríguez contra Josefa Taboada Quesero (falecida, seguíndose actualmente a demanda contra a comunidade de herdeiros desta), Pedro Carlos Piñeiro Borges, foi ditada sentenza cuxo encabezamento e parte dispositiva é do teor literal seguinte:

«Sentenza núm. 186/2014.

Na cidade de Ourense o 1 de outubro de 2014.

Vistos por María del Pilar Domínguez Comesaña, maxistrada xuíza do Xulgado de Primeira Instancia número 1 dos desta cidade, os autos de xuízo verbal nº 1101/2012 seguidos ante este xulgado por instancia do procurador Ángel Soto Pérez, en representación de Heriberto Maceda Rodríguez, asistido do letrado Eduardo Mazaira contra Pedro Carlos Piñeiro Borges, quen comparece representado por Ana Crespo Damota e defendido polo letrado Óscar Abellás e contra os herdeiros de Josefa Taboada Quesero, en situación procesual de rebeldía. Versan os presentes autos sobre responsabilidade extracontractual.

Seguiron antecedentes de feito e fundamentos xurídicos.

Decido:

Que, estimando a demanda interposta pola representación procesual de Heriberto Maceda Rodríguez contra Pedro Carlos Piñeiro Borges e contra os herdeiros de Josefa Taboada Quesero, en situación procesual de rebeldía, condénase os demandados a indemnizaren o demandante en 942,20 € e a reparar o tubo do desaugadoiro do aseo da súa vivenda, a través do cal se filtra auga á vivenda do demandante. As custas impóñense aos demandados.

Esta sentenza é firme. Contra ela non cabe interpor recurso de apelación (artigo 455 da LAC).

Así o pronuncio, mando e asino por esta sentenza, xulgando definitivamente».

E encontrándose os herdeiros de Josefa Taboada Quesero en situación de rebeldía, expídese este edicto a fin de que lle sirva de notificación en forma.

Ourense, 2 de febreiro de 2016

A letrada da Administración de xustiza