PO procedemento ordinario 1105/2013
Procedemento orixe:
Sobre ordinario
Demandante: Cruz Isabel Sosa Redco
Avogado: Torcuato Pablo Labella Lozano
Demandados: Fogasa, José Guerra Neu
Susana Varela Amboage, secretaria xudicial do Xulgado do Social número 3 de Santiago de Compostela, fai saber que no procedemento ordinario 1105/2013 deste xulgado do social, seguido por instancia de Cruz Isabel Sosa Redco contra José Guerra Neu, se ditou a seguinte resolución:
«Sentenza:
En Santiago de Compostela o 4 de decembro de 2015
Susana Villarino Moure, maxistrada xuíza do Xulgado do Social número 3 de Santiago de Compostela, vistos os presentes autos 1105/2013, promovidos ante este xulgado do social sobre reclamación de cantidade, por instancia de Cruz Isabel Sosa Redco, asistida polo letrado Torcuato Labella Lozano contra José Guerra Neu, que non comparece e contra o Fogasa, que non comparece, ditou a presente sentenza.
Decido:
Que debo estimar e estimo parcialmente a demanda presentada e en consecuencia condeno a José Guerra Neu a pagarlle á demandante 687,93 euros, dos cales devindicará o xuro do artigo 29.3 do ET a suma de 569,32 euros. Condeno o Fogasa a estar e pasar pola presente resolución nos termos do artigo 23.6 inciso primeiro LRXS.
Notifíqueselles a presente resolución ás partes e fágaselles saber que contra ela non cabe recurso de suplicación por razón da contía, sen prexuízo do establecido no artigo 191.3 LRXS.
Lévese o orixinal desta resolución ao libro de sentenzas e déixese testemuño nas actuacións.
Así o acordo, mando e asino.
A maxistrada xuíza».
E para que sirva de notificación en legal forma a José Guerra Neu, en ignorado paradoiro, expido este edicto para a súa inserción no Diario Oficial de Galicia e no taboleiro de anuncios deste xulgado.
Advírteselle ao destinatario que as seguintes comunicacións se farán fixando copia da resolución ou da cédula no taoleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.
Santiago de Compostela, 4 de decembro de 2015
A secretaria xudicial