María Jesús Hernando Arenas, secretaria xudicial do Xulgado do Social número 5 da Coruña, fago saber que no procedemento ordinario 1150/2014 deste xulgado do social, seguido por instancia de María del Carmen Estévez Martínez contra Peluquería Máster, S.L.U. e o Fondo de Garantía Salarial, sobre reclamación de cantidade, ditouse sentenza cuxa resolución di:

Que debo estimar e estimo a demanda que en materia de cantidade foi interposta por María del Carmen Estévez Martínez contra a entidade Peluquería Máster, S.L.U. e, en consecuencia, debo condenar e condeno a entidade Peluquería Máster, S.L.U. a que aboe ao demandante a cantidade de 7.089,53 euros brutos, por salarios devindicados durante a súa relación laboral entre abril e outubro de 2013, incrementadas no xuro do 10 % por demora e aplicable aos conceptos salariais, e a cantidade de 18.621,46 euros en concepto de indemnización, por extinción da relación laboral.

Coa intervención procesual do Fondo de Garantía Salarial.

Notifíquese a presente resolución ás partes, facéndolles saber o seu dereito a interpoñer contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Así por esta a miña sentenza, pronúncioo, mándoo e asínoo.

E para que sirva de notificación en legal forma á entidade Peluquería Máster, S.L.U., en ignorado paradoiro, expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 4 de novembro de 2015

A secretaria xudicial