Visto o expediente para outorgamento das autorizacións administrativas previa e de construción da instalación eléctrica que a seguir se describe:
Solicitante: Avícola Faisa, S.L.
Domicilio social: rúa Doutor Vila, nº 23, 32000 A Rúa.
Denominación: LMT e CT Granxa Avícola Faisa.
Situación: Laoruco.
Características técnicas: LMT aerosubterránea a 20 kV de 46 m en aéreo con condutor LA-56/54,6 mm2 Al e 670 m en subterráneo con condutor RHZ1 12/20 kV 3×1×95 mm2 Al e con orixe no apoio nº 43 LMT A Rúa-806 (entroncamento) e remate no CT aéreo proxectado Avícola Faisa de 50 kVA e R/T 20.000/400-230 V.
Orzamento: 65.056,82 euros.
Cumpridos os trámites ordenados na Lei 24/2013, do 26 de decembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Conceder a autorización administrativa previa e a autorización administrativa de construción á devandita instalación, cuxas características se axustarán en todas as súas partes ao proxecto arriba sinalado e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente. Esta autorización outórgase sen prexuízo das concesións e/ou autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra a presente resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación ou publicación desta resolución; tamén se poderá interpor calquera outro recurso que considere pertinente.
Ourense, 1 de outubro de 2015
Alfonso Tomás Paz Doniz
Xefe territorial de Ourense
