Con data do 26 de marzo de 2015, a Dirección Xeral de Traballo e Economía Social da Consellería de Traballo e Benestar ditou resolución pola que se acorda o inicio do procedemento declarativo do reintegro de axudas concedidas a Biba Diferente, S.L., con números de expedientes TR340E 2011/32 e TR340E 2011/35.

Intentada a notificación deste acordo segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE nº 12, do 14 de xaneiro), e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícaselle á persoa interesada o contido da resolución que figura como anexo para que poida ter coñecemento del.

De conformidade co previsto no artigo 33 da Lei 9/2007, do 13 de xuño, de subvencións de Galicia, concédeselle á persoa interesada un prazo de dez días hábiles, que comezará a contar a partir do día seguinte ao da publicación desta cédula no Diario Oficial de Galicia, para que poida formular as alegacións e presentar a documentación que xulgue pertinente, ante esta dirección xeral.

Lembráselle tamén o seu dereito a consultar o expediente, depositado nas dependencias desta dirección xeral, sitas na rúa San Lázaro, s/n, en Santiago de Compostela, e a obter, se é o caso, copia deste acordo, segundo o previsto na letra a) do artigo 35 da Lei 30/1992, do 26 de novembro.

Santiago de Compostela, 14 de setembro de 2015

Carmen Bouso Montero
Directora xeral de Traballo e Economía Social

ANEXO

Nº de expedientes: TR340E 2013/32 e TR340E 2013/35.

Beneficiaria: Biba Diferente, S.L.

NIF: B70299516.

Último enderezo coñecido: r/ Federico Tapia, 41, 5º esquerda,15005 A Coruña.

Procedemento: axudas e subvencións ás empresas cualificadas como iniciativas de emprego de base tecnolóxica (IEBT): axudas para a creación de emprego estable (TR340E/32) e axudas para o inicio e posta en marcha da actividade (TR340E 2011/35).

Data da resolución de concesión: 14 de outubro de 2011.

Feito imputado: non manter no seu cadro de persoal as persoas traballadoras contratadas durante un período mínimo de tres anos.

Precepto infrinxido: número 2 do artigo 20 da Orde do 18 de marzo de 2011 pola que se establecen as bases reguladoras do programa de axudas e subvencións ás empresas cualificadas como iniciativas de emprego de base tecnolóxica (IEBT), cofinanciado polo Fondo Social Europeo, e se procede á súa convocatoria para o ano 2011 (DOG nº 63, do 30 de marzo).

Contía da subvención percibida para o inicio e posta en marcha da actividade: 5.754,99 euros.

Contía da subvención percibida para a creación directa de emprego estable: 12.000 euros.

Contido da resolución: acordo de inicio de procedemento de reintegro da axuda.