Marta Yanguas del Valle, secretaria xudicial do Xulgado do Social número 3 de reforzo da Coruña, fago saber que no procedemento sobre seguridade social 439/2013 deste xulgado do social, seguido por instancia de Mutua Gallega de Accidentes de Trabajo contra Cogal Tres, C.B., o Instituto Nacional da Seguridade Social, a Tesouraría Xeral da Seguridade Social, María Antonia Cruz Arias e Miguel Rivas Cruz, sobre seguridade social, ditouse a resolución cuxo encabezamento e parte dispositiva son do teor literal seguinte:
«Xulgado do Social número 3 da Coruña.
Reforzo.
Sentenza: 367/2015.
Xuíz: Javier López Cotelo.
Procedemento: seguridade social 439/2013.
Demandante: Mutua Gallega de Accidentes de Trabajo.
Letrada: Sra. Vidal Rodríguez.
Demandados:
– INSS e TXSS.
Letrada: Sra. Pardo Costas.
– María Antonia Cruz Arias, Miguel Rivas Cruz, Cogal Tres, C.B.
A Coruña, 10 de setembro de 2015.
Resolución:
Estimo parcialmente a demanda formulada pola Mutua Gallega de Accidentes de Trabajo, e
1. Condeno a Cogal Tres, C.B., María Antonia Cruz Arias e Miguel Rivas Cruz como responsables directos ao aboamento dos gastos da asistencia sanitaria e pagamento delegado de IT prestada ao traballador Iván Teijeiro Prieto derivados do accidente de traballo acontecido o día 17.11.2008 e que ascende á suma total de 572,07 euros, cantidade que deben reintegrar á Mutua sen prexuízo da responsabilidade subsidiaria que, se é o caso, puidese recaer no Instituto Nacional da Seguridade Social e na Tesouraría Xeral da Seguridade Social de acordo co artigo 126 LXSS.
2. Condeno o INSS como legal sucesor do Fondo de Garantía de Accidentes de Traballo, e só para o caso de insolvencia da empresa, ao pagamento á Mutua da suma de 357,36 euros en concepto de gastos de asistencia sanitaria unha vez excluído o pagamento delegado de IT realizado pola empresa acreditado en relación co accidente de traballo que nos ocupa.
Inscríbase a presente resolución no libro de sentenzas deixando testemuño desta no presente procedemento.
Notifíquese esta sentenza ás partes advertíndolles que contra ela se poderá interpoñer recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Así o pronuncio, mando e asino, Javier López Cotelo».
Publicación. A anterior sentenza foi lida e publicada polo maxistrado-xuíz que a subscribe no día da súa data, do que eu, a secretaria xudicial, dou fe.
E para que conste e sirva de notificación a Cogal Tres, C.B., María Antonia Cruz Arias e Miguel Rivas Cruz, en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 10 de setembro de 2015
A secretaria xudicial