Por Resolución do 21 de maio de 2015 (Diario Oficial de Galicia nº 101, do 1 de xuño) convocáronse as subvencións para a consolidación e a estruturación de unidades de investigación competitivas nos centros tecnolóxicos consolidados de Galicia.
No seu artigo 12 regúlase a resolución e notificación destas axudas unha vez que a Comisión de Valoración avalíe as solicitudes admitidas e emita un informe no cal se concrete o resultado da avaliación efectuada e a contía da axuda proposta, conforme os criterios establecidos no artigo 10.
Na súa virtude, e atendendo á proposta elaborada na sesión do 1 de setembro de 2015 pola Comisión de Valoración establecida no artigo 9 das bases da Resolución do 21 de maio de 2015, a Axencia Galega de Innovación
RESOLVE:
Primeiro. Conceder as axudas para a consolidación e estruturación de unidades de investigación competitivas nos centros tecnolóxicos consolidados de Galicia que a seguir se relacionan e polos importes que se indican:
Expediente administrativo |
Entidade beneficiaria |
Acrónimo |
NIF |
Importe da axuda (€) |
IN845A-1 |
Asociación de Investigación Metalúrgica del Noroeste-Centro Tecnológico Aimen |
Aimen |
G36606291 |
433.339,54 |
IN845A-2 |
Asociación Nacional de Fabricantes de Conservas de Pescados y Mariscos-Centro Técnico Nacional de Conservación de Productos de la Pesca |
Anfaco-Cecopesca |
G36625309 |
320.962,64 |
IN845A-3 |
Fundación Instituto Tecnolóxico de Galicia |
ITG |
G15305923 |
207.174,68 |
IN845A-4 |
Fundación Centro Tecnolóxico de Telecomunicacións de Galicia |
Gradiant |
G36997229 |
422.242,68 |
IN845A-5 |
Fundación Centro Tecnolóxico de Eficiencia e Sostenibilidade Enerxética |
Energylab |
G27719913 |
49.020,63 |
IN845A-6 |
Fundación para la Promoción de la Innovación, Investigación y Desarrollo Tecnológico en la Industria de Automoción de Galicia |
CTAG |
G36871424 |
439.259,83 |
Segundo. O importe total das axudas concedidas é de un millón oitocentos setenta e dous mil euros (1.872.000), con cargo á aplicación orzamentaria que se recolle no seguinte cadro:
Aplicación orzamentaria |
Importe |
08.A3.561A.781.0 |
1.872.000 |
Total |
1.872.000 |
Terceiro. Estas axudas están financiadas con cargo ao préstamo que a Administración xeral do Estado concedeu á Xunta de Galicia a través do Ministerio de Economía e Industria para o desenvolvemento en Galicia da Estratexia española de innovación (actuación 1).
Cuarto. De conformidade co establecido no artigo 21 da resolución pola que se convocan as axudas, o 50 % do importe das axudas poderá librarse con carácter de anticipo, mediante resolución motivada e unha vez publicada a resolución de concesión das axudas.
Quinto. Para a xustificación da subvención deberá presentarse a documentación indicada no artigo 19 da resolución de convocatoria nos prazos establecidos no artigo 20.
Sexto. Contra esta resolución, sen prexuízo de que os interesados poidan exercer calquera outro dereito que consideren procedente, poderán interpor recurso de alzada no prazo dun mes desde o día seguinte ao da publicación desta resolución no Diario Oficial de Galicia, ante o presidente da Axencia Galega de Innovación, segundo o disposto nos artigos 114 e 115 da Lei 30/1992, de réxime xurídico das administracións públicas e do procedemento administrativo común.
Disposición derradeira
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 15 de setembro de 2015
P. A. (Resolución do 16.6.2014; DOG nº 127, do 7 de xullo)
Benito Fernández Rodríguez
Director da Área de Xestión