O artigo 11 da Lei 4/2006, do 30 de xuño, de transparencia e de boas prácticas na Administración pública galega (DOG nº 136, do 14 de xullo), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Dar publicidade á relación dos convenios subscritos pola Axencia Galega de Innovación nos meses de maio, xuño, xullo e agosto do ano 2015 que se incorpora como anexo a esta resolución.
Santiago de Compostela, 15 de setembro de 2015
P.D. (Resolución do 16.6.2014; DOG nº 127, do 7 de xullo)
Benito Fernández Rodríguez
Director da Área de Xestión
ANEXO
Convenios de colaboración subscritos pola Axencia Galega de Innovación
nos meses de maio, xuño, xullo e agosto do ano 2015
|
Convenio |
Data de sinatura |
Importe total (€) |
|
Convenio de colaboración entre a Axencia Galega de Innovación, o Instituto Galego de Promoción Económica, a Consellería do Medio Rural e do Mar e a Universidade de Santiago de Compostela para a organización do Simposio internacional de xenética para a acuicultura (ISGA XII). |
25.5.2015 |
38.750 |
|
Convenio de colaboración entre a Axencia Galega de Innovación e o Instituto Cultura, Ciencia e Tecnoloxía para o desenvolvemento de actividades de divulgación científica no ano 2015. |
25.6.2015 |
8.000 |
|
Contrato programa co Instituto Español de Oceanografía (IEO) para o desenvolvemento de programas de I+D+i nos centros oceanográficos radicados na Comunidade Autónoma de Galicia. |
8.7.2015 |
50.000 |
|
Convenio de colaboración entre a Axencia Galega de Innovación e a sociedade Parque Tecnolóxico de Galicia, S.A. para o desenvolvemento de actividades de divulgación científica no ano 2015. |
9.7.2015 |
140.000 |
|
Convenio de colaboración entre a Axencia Galega de Innovación e a Fundación Eduardo Pondal para o fomento de vocacións científicas e tecnolóxicas na Costa da Morte. |
17.7.2015 |
18.000 |
|
Contrato programa entre a Axencia Galega de Innovación e a Fundación Biomédica Galicia Sur para o desenvolvemento de programas de I+D+i biosanitario. |
27.7.2015 |
125.900 |
|
Contrato programa entre a Axencia Galega de Innovación e a Fundación Profesor Novoa Santos para o desenvolvemento de programas de I+D+i biosanitario. |
27.7.2015 |
259.200 |
|
Contrato programa entre a Axencia Galega de Innovación e a Fundación para a Investigación, Desenvolvemento e Innovación Ramón Domínguez para o desenvolvemento de programas de I+D+i biosanitario. |
27.7.2015 |
359.900 |
|
Contrato programa entre a Axencia Galega de Innovación e a Fundación Pública Galega de Medicina Xenómica para o desenvolvemento de programas de I+D+i biosanitario. |
8.7.2015 |
25.000 |
|
Convenio de colaboración entre a Axencia Galega de Innovación, o Instituto Galego de Promoción Económica e a Asociación de Investigación Metalúrgica del Noroeste (Aimen) para o desenvolvemento dun proxecto dinamizador da capacidade innovadora do sector naval galego-Shipbuilding 4.0. |
14.8.2015 |
1.830.000 |
|
Contrato programa entre a Axencia Galega de Innovación e a axencia estatal Consello Superior de Investigacións Científicas para o desenvolvemento de programas de I+D+i. |
18.8.2015 |
400.000 |
|
Convenio de colaboración entre a Axencia Galega de Innovación, a través do Centro de Innovación e Servizos de Ferrol, e a Universidade da Coruña para a realización de prácticas académicas externas curriculares dos estudantes da escola politécnica superior. |
19.8.2015 |
Sen achega económica |