No Xulgado do Contencioso-Administrativo número 1 de Vigo tramítase o recurso 359/2015 (procedemento abreviado), interposto por Comisiones Obreras (CC.OO.) contra a desestimación presunta do recurso de alzada formulado contra a Resolución do 28 de novembro de 2014, da Xerencia de Xestión Integrada de Vigo, pola que se lles oferta aos empregados públicos de determinadas categorías de servizos non clínicos da dita estrutura organizativa a opción de pasar a prestar servizos, de forma voluntaria, como persoal laboral na entidade concesionaria da explotación dos ditos servizos (Diario Oficial de Galicia núm. 233, do 4 de decembro).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 30 de xullo de 2015

Margarita Prado Vaamonde
Directora xeral de Recursos Humanos