Marta Yanguas del Valle, secretaria xudicial do Xulgado do Social número 3 de reforzo da Coruña, fago saber que no procedemento de despedimento/cesamentos en xeral 1105/2014 deste xulgado do social, seguido por instancia de Rafael Iglesias Grande contra La Gloria de Antón, S.L. e o Fogasa, sobre despedimento, ditouse a resolución cuxo encabezamento e parte dispositiva son do teor literal seguinte:
«Xulgado do Social número 3 de reforzo da Coruña
Despido/cesamentos en xeral 1105/2014
Sobre despedimento
Demandante: Rafael Iglesias Grande
Graduado social: José A. Barros Rodríguez
Demandados: A Gloria de Antón, S.L., Fogasa
Auto
Xuíz: Javier López Cotelo
Na Coruña o nove de xuño de dous mil quince.
Parte dispositiva.
Procede rectificar a sentenza ditada nos presentes autos, de tal forma que:
– No feito probado número 3 debe dicir que “a empresa debe ao traballador os salarios correspondentes aos meses de abril de 2014 ata o 15 de setembro de 2014”.
– O fundamento de dereito número IV debe aclararse no sentido de que, en consonancia co feito probado terceiro, a cantidade reclamada exclusivamente polo demandante é a de 7.018,99 euros, que se corresponde cos salarios dos meses de abril de 2014 ata o 15 de setembro de 2014. Por iso, a cantidade a que debe condenarse a empresa a pagar o traballador é a de 7.018,99 euros.
– Na resolución, no número 3º, onde di: “17.639,34 euros”, debe dicir: “7.018,99 euros”.
Contra esta resolución non cabe recurso ningún.
Así o pronuncio, mando e asino, Javier López Cotelo, xuíz do Xulgado de reforzo da Coruña».
E para que conste e sirva de notificación a La Gloria de Antón, S.L., en ignorado paradoiro, expídese esta cédula para a súa publicación no Diario Oficial de Galicia e colocación no taboleiro de anuncios.
A Coruña, 9 de xuño de 2015
A secretaria xudicial