Encarnación Mercedes Tubío Lariño, secretaria do Xulgado do Social número 4 da Coruña, dá fe e certifica que neste xulgado se seguen autos número 955/2012 por instancia de Aurelio González Romar, Antonio Manuel López Arela, Pedro Platas Gayoso, Santiago Grela López e Fernando Naya Sánchez contra a empresa Fachadas Ventiladas Perpiano, S.L. Unipersonal e o Fondo de Garantía Salarial sobre cantidade, en que recaeu sentenza con data do 26 de maio de 2012 que, copiada nos particulares necesarios, di así:
Resolvo:
Estímase a demanda formulada por Aurelio González Romar, Antonio Manuel López Varela, Pedro Platas Gayoso, Santiago Grela López e Fernando Naya Sánchez fronte á empresa Fachadas Ventiladas Perpiaño, S.L. Unipersonal, con intervención do Fondo de Garantía Salarial e, en consecuencia:
– Condénase a empresa Fachadas Ventiladas Perpiaño, S.L. Unipersonal a aboar aos demandantes as seguintes cantidades:
● A Aurelio González Romar, a cantidade de 7.215,74 euros.
● A Antonio Manuel López Varela, a cantidade de 7.915,40 euros.
● A Pedro Platas Gayoso, a cantidade de 7.753,59 euros.
● A Santiago Grela López, a cantidade de 7.990,19 euros.
● A Fernando Naya Sánchez, a cantidade de 7.638 euros.
Notifíquese a resolución ás partes.
Contra esta resolución cabe recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución bastando a manifestación da parte ou do seu avogado, graduado social colexiado ou representante dentro do indicado prazo.
Se o recorrente no goza do beneficio de xustiza gratuíta deberá, ao tempo de anunciar o recurso, ter consignado a cantidade obxecto de condena, así como o depósito de 300 euros na conta de depósitos e consignacións que ten aberta este xulgado facendo constar no ingreso o número de procedemento.
Así o acorda, manda e asina, Nicolás E. Pita Lloveres, maxistrado do Xulgado do Social número 4 da Coruña.
E, para que conste, para os efectos da súa publicación no Diario Oficial de Galicia co fin de que sirva de notificación en forma á empresa Fachadas Ventiladas Perpiano, S.L. Unipersonal expido e asino o presente edicto.
A Coruña, 9 de xuño de 2015
A secretaria xudicial