María Isabel Freire Corzo, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fago saber que no procedemento recurso de suplicación 3358/2013 desta sección, seguido por instancia de Logística Áridos Rocas y Firmes, S.L. contra o Instituto Nacional da Seguridade Social, Tesouraría Xeral da Seguridade Social, Transportes y Escavaciones Antodel, S.L., Luis Manuel García sobre recarga de accidente, ditouse a seguinte resolución:

Decidimos.

Que desestimando o recurso de suplicación interposto pola empresa Logística de Áridos, Rocas y Firmes, S.L. contra a sentenza ditada polo Xulgado do Social número 3 de Ourense en xuízo seguido por Luis Manuel García, contra a recorrente, Instituto Nacional da Seguridade Social e Tesouraría Xeral da Seguridade Social, Transportes e Escavaciones Antodel, S.L., a sala a confirma integramente, e condena á recorrente a aboar á letrada impugnante do recurso a cantidade de 600 euros en concepto de honorarios.

Incorpórese o orixinal desta sentenza, pola súa orde, ao libro de sentenzas deste Tribunal Superior de Xustiza, da Sala do Social.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina que ha de prepararse mediante escrito presentado ante esta sala dentro do improrrogable prazo de dez (10) días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público de Seguridade Social deberá efectuar:

– O depósito de 600 euros na conta de 16 díxitos desta sala, aberta no banco de Santander (Banesto) co nº 1552 0000 37 seguida do catro díxitos correspondentes ao nº do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «Observacións ou concepto da transferencia» os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo. Seguen as sinaturas e a publicación.

E para que sirva de notificación en legal forma a Transportes y Escavaciones Santodel, S.L. con ultimo domicilio coñecido en estrada Carballal, 110, Petín. Ourense, en ignorado paradoiro, expido este edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

A Coruña, 5 de maio de 2015

A secretaria xudicial