Sarai Paniagua Acera, secretaria do Xulgado de Primeira Instancia número 5 de Vigo, certifico que no presente procedemento de divorcio se ditou a seguinte sentenza do teor literal seguinte:
«Vigo, 28 de abril de 2015.
María del Carmen Salvador Mateos, maxistrada xuíza titular do Xulgado de Primeira Instancia número 5 de Vigo e o seu partido, viu os autos seguidos neste xulgado baixo o número 213/2014 sobre disolución do matrimonio por divorcio, en que actúa como demandante Isabel Folgar Cestero, representada pola procuradora dos tribunais María Nieves Fuertes Ugidos e con asistencia letrada de Manuel Ángel García Álvarez, contra Gortil Diop, declarado en situación de rebeldía procesual, sobre a base dos seguintes:
(Seguen antecedentes de feito e fundamentos de dereito).
Resolución.
Na demanda interposta pola procuradora dos tribunais Sra. Fuertes Ugidos, en nome e representación de Isabel Folgar Cestero, contra Gortil Diop, declarado en situación de rebeldía, estimo esta e declaro disolto, por divorcio, o matrimonio formado os referidos cónxuxes, con todos os efectos legais inherentes á devandita declaración.
Non se fai unha especial imposición en canto ás custas.
Firme que sexa esta resolución, comuníquese ao rexistro civil onde consta a inscrición do matrimonio, co fin de que se proceda á súa anotación marxinal, e déixese constancia de tal circunstancia nos autos.
Modo de impugnación: recurso de apelación no prazo de vinte (20) días, desde a notificación desta resolución, ante a Audiencia Provincial».
E para que conste e sirva de notificación a Gortil Diop, en paradoiro descoñecido, expido e asino este edicto.
Vigo, 30 de abril de 2015
A secretaria xudicial