Visto o artigo 13 do Decreto 402/1996, do 31 de outubro (DOG núm. 226, do 19 de novembro), polo que se aproba o Regulamento de aproveitamento de augas minero-medicinais, termais e dos establecementos balnearios da Comunidade Autónoma de Galicia, a Xefatura Territorial da Consellería de Economía e Industria en Pontevedra

RESOLVE:

Facer pública a solicitude de aproveitamento de augas minero-medicinais e termais por parte do Concello de Catoira e a proposta do perímetro de protección para o acuífero a que pertencen as augas do pozo As Lombas, sitas nos terreos do campo de fútbol das Lombas no termo municipal de Catoira (Pontevedra), declaradas minero-medicinais e termais con data do 4 de xaneiro de 2013.

O perímetro de protección solicitado comprende un polígono coas seguintes coordenadas referidas ao Datum ETRS 89:

Neste perímetro atópanse as tres zonas de protección mínimas, medias e máximas, cuxas designacións perimetrais constan no expediente de aproveitamento das augas, que pode ser consultado por calquera interesado durante o tempo de información pública nas oficinas desta xefatura territorial na rúa Fernández Ladreda, nº 43, 5ª planta, tendo en conta que limitan as actividades que se van desenvolver nas ditas zonas, de acordo co disposto no Decreto 116/2001, do 10 de maio, polo que se modifica o Decreto 402/1996, do 31 de outubro, polo que se aproba o Regulamento de aproveitamento de aguas minero-medicinais e termais e dos establecementos balnearios da Comunidade Autónoma de Galicia.

O que se fai público co fin de que aquel que se considere interesado poida tomar vista do expediente e presentar as alegacións que considere oportunas na Xefatura Territorial de Industria de Pontevedra, dentro do prazo de 20 días contados desde o seguinte ao desta publicación.

Pontevedra, 9 de febreiro de 2015

Ignacio Rial Santomé
Xefe territorial de Pontevedra