Marta Yanguas del Valle, secretaria xudicial do Xulgado do Social número 2 de reforzo da Coruña, fago saber que no procedemento de despedimento/cesamentos en xeral 1018/2014 deste xulgado do social, seguido por instancia de Mónica Chans Salgado contra Fogasa, Salsa Santa Cristina, S.L. sobre despedimento, se ditou a resolución cuxo encabezamento e parte dispositiva son do teor literal seguinte:
Sentenza: 183/2015
Xuíz: Javier López Cotelo
Procedemento: despedimento 1018/2014
Demandante: Mónica Chans Salgado
Letrado: Sra. Gómez Lozano
Demandada: Salsa Santa Cristina, S.L.
Letrado:
Fogasa
Letrado:
A Coruña, 8 de abril de 2015.
Decisión:
1º. Estimo a demanda sobre despedimento formulada por Mónica Chans Salgado fronte á empresa Salsa Santa Cristina, S.L. e, en consecuencia, declaro a improcedencia do despedimento e condeno a demandada a que readmita inmediatamente a traballadora nas mesmas condicións que rexían antes de producirse o despedimento, ou ben, á elección da empresa, a que extinga a relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a notificación da presente sentenza.
A dita opción deberá exercerse en 5 días a partir da notificación desta sentenza, mediante escrito ou comparecencia ante este xulgado. Transcorrido o dito termo sen que se tivese optado, entenderase que procede a readmisión.
2º. A indemnización e os salarios de tramitación que aboará pola empresa demandada, segundo o disposto no número anterior, son os seguintes:
– En concepto de indemnización, e de optar a empresa por ela: a cantidade de 298,24 euros.
– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación da presente sentenza, calculados a razón de 21,69 euros/día.
3º. Condeno a empresa demandada a aboarlle á traballadora a suma de 325,35 euros en concepto de prazo de aviso previo ao despedimento non concedido.
Inscríbase a presente resolución no libro de sentenzas, e déixsese testemuño desta no presente procedemento.
Notifíqueselles esta sentenza ás partes advertíndolles que contra ela se poderá interpor recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Advírtaselle igualmente ao recorrente que non fose traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.
Así o pronuncio, mando e asino, Javier López Cotelo, xuíz social de reforzo.
Publicación. A anterior sentenza foi lida e publicada polo xuíz que a subscribe no día da súa data, do cal eu, a secretaria xudicial, dou fe.
E para que conste e sirva de notificación a Salsa Santa Cristina, S.L., en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 8 de abril de 2015
A secretaria xudicial