María Teresa Vázquez Abades, secretaria xudicial do Xulgado do Social número 1 de Santiago de Compostela, fago saber:

Que no procedemento de Seguridade Social 1101/2010 deste xulgado do social, seguido por instancia de Simón Lama Castro contra a Dirección Provincial do Inem, sobre seguridade social, se ditou a resolución do teor literal seguinte:

«Decreto 225/2015

Secretaria xudicial: María Teresa Vázquez Abades

Santiago de Compostela, nove de abril de dous mil quince

Antecedentes de feito:

Primeiro. O 20 de setembro de 2010 tivo entrada neste Xulgado do Social número 1 demanda de seguridade social presentada por Simón Lama Castro fronte á Dirección Provincial do Inem.

Segundo. As partes foron citadas ao acto de conciliación para o día 9 de abril de 2015 ás 9.40 horas da súa mañá.

Terceiro. Ao acto de xuízo non compareceu o demandante, que estaba debidamente citado, e compareceu a parte demandada.

Fundamentos de dereito:

Único. Se o demandante, citado en legal forma, non comparece nin alega xusta causa que motive a suspensión do acto de conciliación ou xuízo, teráselle por desistido da súa demanda (artigo 83.2 LXS).

Vistos os preceptos legais citados e demais de xeral e pertinente aplicación,

Parte dispositiva

Acordo:

– Ter por desistido a Simón Lama Castro da súa demanda de seguridade social fronte á Dirección Provincial do Inem.

– Arquivar as actuacións unha vez que sexa firme a presente resolución.

Incorpórese o orixinal ao libro de decretos, e déixese certificación deste no procedemento da súa razón.

Notifíqueselle á parte demandante por medio de edicto, que se fixa no taboleiro de anuncios deste xulgado, así como no DOG e ao SPEE a través de Lexnet, facéndolles saber que, en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial as partes ou interesados e, se é o caso, os profesionais designados sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións neles intentadas sen efecto serán válidas mentres non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similares, sempre que estes últimos estean a ser utilizados como instrumentos de comunicación co tribunal.

Modo de impugnación: contra a presente resolución cabe recurso directo de revisión, que deberá interporse ante quen dita a resolución no prazo de tres días hábiles seguintes á notificación desta, con expresión da infracción cometida nela a xuízo do recorrente, artigo 188 da LXS. O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros na conta número 0049 3569 9200 0500 1274 no Banco Santander, S.A., e deberá indicar no campo concepto “recurso”, seguido do código “31 Social-revisión de resolucións secretario xudicial”. Se o ingreso se fai mediante transferencia bancaria deberá incluír tras a conta referida, separados por un espazo coa indicación “recurso”, seguida do “31 Social-revisión de resolucións secretario xudicial”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase, con indicación no campo de observacións da data da resolución contra a que se recorre utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.

A secretaria xudicial»

E para que lle sirva de notificación en legal forma a Simón Lama Castro, en ignorado paradoiro, expido o presente para a súa inserción no Diario Oficial de Galicia.

Santiago de Compostela, 9 de abril de 2015

A secretaria xudicial