Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 58 Xoves, 26 de marzo de 2015 Páx. 11984

V. Administración de xustiza

Xulgado do Social número 3 da Coruña

EDICTO (1045/2012).

Eu, Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 1045/2012 deste xulgado do social, seguido por instancia de Cristina Casas Amado contra Hostelería Coruñesa Agoi3, S.L. e o Fogasa, sobre ordinario, ditouse a seguinte resolución:

«Resolución:

1º. Que, estimando a demanda formulada por Cristina Casas Amado contra Hostelería Coruñesa Agoi3, S.L. condeno esta a aboar á parte demandante a cantidade de:

– 332,82 euros como diferenzas salariais do mes de xullo de 2011.

– 298,18 euros como diferenzas salariais do mes de agosto de 2011.

– 298,18 euros como diferenzas salariais do mes de setembro de 2011.

– 298,18 euros como diferenzas salariais do mes de outubro de 2011.

– 298,18 euros como diferenzas salariais do mes de novembro de 2011.

– 687,37 euros como diferenzas salariais do mes de decembro de 2011.

– 719,89 euros por diferenzas do complemento de incapacidade temporal durante os meses de xaneiro, febreiro e marzo de 2012.

– 891,59 euros por vacacións dos anos 2011 e 2012.

– 238,94 euros de indemnización por fin de contrato temporal.

– E 920,65 euros como xuros moratorios ata a presente sentenza.

Impóñense á parte demandada antes indicada as custas do proceso, incluídos honorarios, ata o límite de 600 euros, do letrado ou graduado social colexiado da parte contraria que tiver intervido. E, ademais, a multa do artigo 75 LRXS na cantidade de 180 euros.

2º. O Fogasa deberá pasar pola presente resolución nos termos do artigo 23.5, último parágrafo, e 6, inciso primeiro, da LXS e artigo 33 do ET.

Notifíquese esta resolución. Contra a presente resolución cabe recurso de suplicación nos supostos previstos no artigo 191 e 193 LRXS, que deberá ser anunciado ante este xulgado no prazo de cinco días seguintes á notificación da presente resolución na forma prevista no artigo 194 e concordantes da LRXS, e co cumprimento das obrigas de depósito, consignación ou aseguramento previstas nos artigos 229 e seguintes LRXS.

Así por esta a miña sentenza, definitivamente xulgando, pronúncioo, mándoo e asínoo.

Publicación. Lida e publicada foi a anterior sentenza polo maxistrado que a ditou, achándose celebrando audiencia pública no día da data, do que dou fe».

E para que sirva de notificación en legal forma a Hostelería Coruñesa Agoi3, S.L., expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 5 de marzo de 2015

O secretario xudicial