Mediante Resolución do 9 de marzo de 2015, o presidente de Portos de Galicia, en virtude das competencias conferidas polo artigo 6.3.g) da Lei 5/1994, do 29 de novembro, de creación da entidade pública Portos de Galicia, no artigo 9.h) do Decreto 227/1995, do 20 de xullo, polo que se aproba o Regulamento da entidade pública, e sobre a base do disposto na proposta formulada, con data do 26 de febreiro de 2015, pola Mesa de Contratación e en cumprimento do previsto no 2º parágrafo do artigo 151.3, do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, resolveu declarar deserto o procedemento aberto publicado no DOG núm. 106, do 5 de xuño de 2014, correspondente á licitación, mediante procedemento aberto e sistema multicriterio, tramitación ordinaria, para a adxudicación do contrato suxeito a regulación harmonizada do servizo de limpeza e recollida de residuos dos portos dependentes da zona sur de Portos de Galicia, por falta de licitadores, ao declarar rexeitadas as dúas ofertas presentadas.

Contra a presente resolución poderase interpoñer, perante o Tribunal Administrativo Central de Recursos Contractuais da Administración xeral do Estado, recurso especial en materia de contratación, regulado nos artigos 40 e seguintes do TRLCSP, e recollido na cláusula 12.3 do PCAP, iniciándose o cómputo de prazos a partir do día seguinte ao da remisión da notificación aos licitadores.

O que se fai público en cumprimento do disposto no artigo 60 da Lei de réxime xurídico das administracións públicas e do procedemento administrativo común.

Santiago de Compostela, 10 de marzo de 2015

José Juan Durán Hermida
Presidente de Portos de Galicia