De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que a continuación se relacionan as resolucións dos recursos de alzada interpostos contra as resolucións sancionadoras recaídas nos expedientes que se citan no anexo, porque, intentada a notificación, non se puido efectuar.
Contra as ditas resolucións, que poñen fin á vía administrativa, cabe recurso contencioso-administrativo, ante o Xulgado do Contencioso-Administrativo, no prazo de dous meses contados desde o día seguinte ao da publicación desta cédula, de conformidade cos artigos 8 e 14 da Lei 29/1998, do 13 de xullo, reguladora da xurisdición contencioso-administrativa.
Os interesados aboaron o importe das sancións impostas nas resolucións sancionadoras que foron anuladas polas resolucións dos recursos de alzada; polo tanto, procede a devolución das cantidades ingresadas. Para a tramitación da devolución, deberán remitir á Subdirección Xeral de Inspección do Transporte da Dirección Xeral de Mobilidade copia do DNI/CIF do interesado e certificación orixinal do director da oficina da entidade bancaria no cal figure o número de conta da titularidade do interesado onde desexa que se practique a devolución do indebidamente cobrado.
Santiago de Compostela, 5 de febreiro de 2015
Mercedes López Caneda
Subdirectora xeral de Inspección do Transporte
ANEXO
Expediente Matrícula Denunciante |
Persoa sancionada DNI/CIF Último enderezo coñecido |
Resolución recurso |
Importe que hai que devolver |
XC-00789-O-2013 3778-GZN Garda Civil 1504 I-54077-K |
Cocedero Suárez, S.L. B36010957 Cores, Deiro, s/n, 36620 Vilanova de Arousa (Pontevedra) |
Estimado parcial |
330,05 € |