Marta Yanguas del Valle, secretaria xudicial do Xulgado do Social número 4 de reforzo da Coruña, fai saber que no procedemento de despedimento/cesamentos en xeral 727/2014 deste xulgado do social, seguido por instancia de José Martínez Alvariño contra Edrogal, S.L. e o Fogasa sobre despedimento, se ditou a resolución cuxo encabezamento e parte dispositiva son do teor literal seguinte:
«Sentenza: 19/2015
Xuíz: Javier López Cotelo
Procedemento: despedimento 727/2014
Demandante: José Martínez Alvariño
Letrado: Sr. Nogueira Esmorís
Demandado: Edrogal, S.L. e o Fogasa
A Coruña, 22 de xaneiro de 2015
Decisión:
1. Estimo a demanda sobre despedimento formulada por José Martínez Alvariño fronte á empresa Edrogal, S.L., e, en consecuencia, declaro a improcedencia do despedimento e acordo a extinción da relación laboral en data desta sentenza e condeno a demandada a que lle aboe ao demandante a suma indemnizatoria de 10.552,38 euros.
2. O Fogasa deberá de pasar polo decidido na presente resolución.
Inscríbase a presente resolución no libro de sentenzas e déixese testemuño desta no presente procedemento.
Notifíquese esta sentenza ás partes advertíndolles que contra ela se poderá interpoñer recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Advírtase igualmente ao recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.
Así o pronuncio, mando e asino. Javier López Cotelo, xuíz social de reforzo».
Publicación. A anterior sentenza foi lida e publicada polo xuíz que a subscribe no día da súa data, do cal eu, a secretaria xudicial, dou fe.
E para que conste e sirva de notificación a Edrogal, S.L., en ignorado paradoiro, expídese este edicto para a súa publicación no Diario Oficial de Galicia e colocación no taboleiro de anuncios.
A Coruña, 22 de xaneiro de 2015
A secretaria xudicial