Con data do 18 de novembro de 2014, a xefa territorial da Consellería de Sanidade en Ourense acordou o inicio do expediente sancionador 2014148AL-OU a Nilo López Conde,
(DNI 34954511-P), con enderezo na avenida Compostela, nº 173, P3b, O Carballiño (Ourense).
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no nº 5 do referido artigo, notifícase a Nilo López Conde (DNI 34954511-P) o contido do referido acordo de inicio que figura como anexo, para que poida ter coñecemento del.
Así mesmo, fáiselle saber o dereito que o asiste, segundo o disposto no número 1 do artigo 19 do Real decreto 1398/1993, do 4 de agosto, polo que se aproba o regulamento para o exercicio da potestade sancionadora, para presentar alegacións ante esta xefatura territorial no prazo de quince días hábiles, contados desde o seguinte á publicación da presente cédula, lembrándolle o seu dereito a consultar o expediente, depositado nas dependencias desta xefatura territorial, sita na avenida de Zamora, nº 13, de Ourense, e obter, se for o caso, unha copia, segundo o previsto na letra a) do artigo 35 da citada Lei 30/1992, do 26 de novembro.
Advírteselle que, no caso de non efectuar alegacións sobre o contido do dito acordo no mencionado prazo, o acordo de inicio considerarase proposta de resolución cando conteña un pronunciamento preciso sobre a responsabilidade imputada, cos efectos previstos nos artigos 18 e 19 do Real decreto 1398/1993.
A presente cédula expídese para que conste e sirva de notificación ao interesado en cumprimento co disposto no artigo 59.5 da Lei 30/1992, do 26 de novembro.
Ourense, 9 de xaneiro de 2015
María Villar Suárez
Xefa territorial de Ourense
ANEXO
Expediente sancionador: 2014148AL-OU.
Interesado: Nilo López Conde.
DNI/NIF/CIF: 34954511-P.
Último enderezo coñecido: avenida de Compostela, nº 173, P3b, O Carballiño (Ourense).
Feito imputado: infracción da lexislación aplicable en materia sanitaria.
Preceptos infrinxidos: Rgto. (CE) nº 852/04, do 29 de abril.
Tipificación: leve.
Sanción proposta: seiscentos euros (600,00 €).