O Pleno da Corporación Municipal de Bueu, en sesión ordinaria que tivo lugar o día 15 de setembro de 2014, adoptou acordo de aprobación definitiva do estudo de detalle da rúa número 3 das Lagoas, redactado polo arquitecto municipal con data do 17 de agosto de 2013.

En cumprimento do sinalado no artigo 92.2º e 92.3º da Lei 9/2002, do 30 de decembro, de ordenación urbanística e protección do medio rural de Galicia, publícanse o acordo de aprobación definitiva no Diario Oficial de Galicia e o documento que contén a normativa no Boletín Oficial da provincia e remítese á Consellería de Medio Ambiente, Territorio, e Infraestruturas, con data do 5 de novembro de 2014, copia autenticada de dous exemplares do instrumento aprobado.

O que se fai público para o xeral coñecemento, de conformidade co sinalado no
artigo 92.2º da Lei 9/2002, do 30 de decembro, de ordenación urbanística e protección do medio rural de Galicia.

Contra o acordo de aprobación definitiva pódese interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados desde o día seguinte ao da publicación deste anuncio, de conformidade cos artigos 10 e 46 da Lei 29/1998, do 13 de xullo, da xurisdición contencioso-administrativa, sen prexuízo de calquera outro que se considere pertinente.

Bueu, 5 de novembro de 2014

Félix Juncal Novas
Alcalde