O Pleno da Corporación Municipal, en sesión ordinaria que tivo lugar o día 12 de decembro de 2014, adoptou, entre outros, o seguinte acordo:

«Primeiro. Estimar a/s alegacións presentadas, ás cales antes se fixo mención, en canto ao fondo que tamén se citou anteriormente no informe dos servizos técnicos municipais e para o cal o promotor do estudo de detalle, Miguel Toja Lema, xa adxuntou ao expediente documento refundido que contén as modificacións suscitadas.

Segundo. Aprobar definitivamente o estudo de detalle para ordenar volumes edificables de parcelas lindeiras do cuarteirón M24 do Plan xeral de ordenación municipal de Laxe (PXOM), coas modificacións resultantes da/s alegación/s admitidas, instruído por instancia de Miguel Toja Lema, quedando extinguida a suspensión de licenzas.

Terceiro. Publicar o acto de aprobación definitiva no Diario Oficial de Galicia, e o texto dos documentos que o integran, así como o índice de planos de estudo de detalle, no Boletín Oficial da provincia, co fin de que entre en vigor o dito instrumento urbanístico de planeamento.

Cuarto. Notificarlles este acordo aos propietarios e demais interesados directamente afectados polo estudo de detalle.

Quinto. Comunicar á consellería competente en materia de urbanismo e ordenación do territorio a aprobación do estudo de detalle referido, á vez que se lle dará traslado dunha copia autenticada de dous exemplares con todos os planos e documentos que o integran.

Sexto. Facultar o alcalde-presidente para subscribir e asinar toda clase de documentos e, en xeral, para todo o relacionado con este asunto».

Recursos. Contra o contido do mencionado acordo, que pon fin á vía administrativa, poderán interpoñer de xeito potestativo o recurso de reposición perante o mesmo órgano que o ditou dentro do prazo dun mes que comezará a contar desde o día seguinte ao da recepción da presente notificación. O recurso de reposición entenderase desestimado se no prazo dun mes, contado desde o día seguinte ao da interposición, o órgano competente para resolvelo non ditase e notificase resolución expresa.

Contra a resolución expresa do recurso de reposición, ou ben directamente (sen recurso administrativo), poderán interpoñer o recurso contencioso-administrativo, perante o Xulgado do Contencioso-Administrativo, no prazo de dous meses, prazo que será de seis meses no caso de non resolverse de xeito expreso o recurso de reposición, contado a partir do día seguinte a aquel en que se deba entender presuntamente desestimado o recurso de reposición interposto. Todo isto de conformidade co disposto no artigo 52 da Lei 7/1985, reguladora das bases do réxime local; artigos 116 e 117 da Lei 30/1992, de réxime xurídico das administracións públicas e do procedemento administrativo común, e os artigos 10 e 46 da Lei 29/1998, reguladora da xurisdición contencioso-administrativa.

Advírtese tamén que poderán utilizar calquera outro recurso que xulguen pertinente, así como exercer as accións que procedan perante a xurisdición competente.

Laxe, 19 de decembro de 2014

Antonio Carracedo Sacedón
Alcalde