O 15 de novembro de 1958 a Dirección Xeral de Obras Hidráulicas ditou resolución pola que se lle outorga a Jesús Manteiga Manteiga o aproveitamento dun caudal de 500 l/s (400 l/s do río Mero, 30 l/s do regato Rochino e 70 l/s do regato Filgueira), con destino á produción de forza motriz para o accionamento dun muíño fariñeiro e enerxía eléctrica para uso público, no concello de Cesuras, A Coruña.
O director de Augas de Galicia ditou con data do 7 de novembro de 2014 acordo de incoación do expediente de extinción por causa de caducidade do título concesional existente no río Mero e nos regatos Rochino e Filgueira, pola falta de explotación do aproveitamento durante tres anos consecutivos, por causas imputables ao titular concesional.
Por medio da presente cédula, e segundo o disposto nos artigos 58.1 e 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle a Jesús Manteiga Manteiga o referido acordo polo que se acorda a extinción do título concesional existente no río Mero e nos regatos Rochino e Filgueira, transcribíndose a continuación a súa parte dispositiva:
Primeiro. Iniciar o expediente de extinción por causa de caducidade do título concesional outorgado a Jesús Manteiga Manteiga po la Resolución do 15 de novembro de 1958 no río Mero, no regato Rochino e no regato Filgueira, no concello de Cesuras (A Coruña), con base na interrupción permanente da explotación durante tres anos consecutivos, por causas imputables ao titular.
Segundo. Dispor a notificación do contido deste acordo ao concesionario, co fin de que no prazo de dez (10) días poida formular as alegacións e presentar os documentos que na súa defensa considere oportunos.
Así mesmo, en virtude do principio de celeridade, procédese no mesmo acto a someter o dito expediente a información pública, de conformidade para os efectos previstos nos artigos 163.3 e 165 do Regulamento do dominio público hidráulico, aprobado por Real decreto 846/1986, do 11 de abril, durante un prazo de vinte días, contados desde o día seguinte ao da publicación do presente anuncio, durante o cal poderá comparecer por escrito ante Augas de Galicia, nas oficinas sitas na rúa Tomiño nº 16, baixo, 15703 Santiago de Compostela, calquera persoa, incluído o titular do dereito, que poida resultar afectada pola extinción do mesmo, manifestando cuanto considere conveniente.
Clave e denominación do aproveitamento: 11/122/1/3, aproveitamento hidroeléctrico no río Mero e nos regatos Rochino e Filgueira
Titular do aproveitamento: Jesús Manteiga Manteiga.
Caudal máximo de auga concedido: 500 l/s (400 l/s do río Mero, 30 l/s do regato Rochino e 70 l/s do regato Filgueira).
Corrente de onde se derivan as augas: río Mero, regato Rochino e regato Filgueira.
Termo municipal onde radican as obras: Cesuras (A Coruña).
Causa de extinción: caducidade, pola interrupción permanente da explotación, por causas imputables ao titular concesional.
Servidumes: descoñecidas.
Iniciación: de oficio.
Santiago de Compostela, 10 de novembro de 2014
Gonzalo Mosqueira Martínez
Director de Augas de Galicia