Advertidos erros no prego de cláusulas administrativas particulares e no prego de prescricións técnicas sobre o financiamento dos contratos derivados do expediente de contratación, pola Administración xeral da Comunidade Autónoma de Galicia, os seus entes instrumentais e demais entes públicos adheridos, mediante un acordo marco, suxeito a regulación harmonizada, polo procedemento aberto e tramitación ordinaria, da subministración de terminais de radiocomunicación para o acceso aos servizos da Rede corporativa de comunicacións móbiles dixitais de emerxencia e seguridade de Galicia (expediente 11/2014), publicada no Diario Oficial de la Unión Europea do 21 de maio de 2014, no Diario Oficial de Galicia do 27 de maio e no Boletín Oficial del Estado do 6 de xuño, cómpre facer as seguintes correccións:
Primeiro. No encabezamento do prego de cláusulas administrativas particulares e do prego de prescricións técnicas particulares, onde figuran os seguintes logos:
Deben figurar estes:
Segundo. Na cláusula 5.2 do prego de cláusulas administrativas particulares, onde di:
«5.2. O importe de orzamento de cada contrato derivado precisarase para cada contratación derivada con indicación, se é o caso, da distribución plurianual.
Este proxecto poderá ser financiado nun 80 % co Fondo Europeo de Desenvolvemento Rexional (Feder) e nun 20 % co Fondo de Compensación Interterritorial (FCI), no marco do programa operativo Feder Galicia 2007-2013, eixe 1, tema prioritario 13.
Así mesmo, este acordo marco e os contratos derivados deberán someterse ás disposicións do Tratado da Unión Europea e aos actos fixados en virtude del e será coherente coas actividades, políticas e prioridades comunitarias a favor dun desenvolvemento sustentable e mellora do ambiente, e deberá promover o crecemento, a competitividade, o emprego e a inclusión social, así como a igualdade entre homes e mulleres, de conformidade co disposto no Regulamento (CE) nº 1083/2006 do Parlamento Europeo e do Consello, do 11 de xullo, polo que se establecen disposicións xerais relativas ao Fondo Europeo de Desenvolvemento Rexional, ao Fondo Social Europeo e ao Fondo de Cohesión».
Debe dicir:
«5.2. O importe de orzamento de cada contrato derivado precisarase para cada contratación derivada con indicación, se é o caso, da distribución plurianual. No caso de contratos derivados que se financien con fondos comunitarios (Feder, Feader), cada contrato incluirá as referencias exixidas pola normativa comunitaria que resulte de aplicación, en particular as obrigas de información e publicidade do cofinanciamento comunitario».
Terceiro. No título do prego de prescricións técnicas particulares, onde di:
«Prego de prescricións técnicas para a contratación mediante acordo marco da subministración de terminais de radiocomunicación para o acceso aos servizos da Rede corporativa de comunicacións móbiles dixitais de emerxencia e seguridade de Galicia, cofinanciado polo Fondo Europeo de Desenvolvemento Rexional no marco do programa operativo Feder Galicia 2007-2013 (expediente 11/2014)».
Debe dicir:
«Prego de prescricións técnicas para a contratación mediante acordo marco da subministración de terminais de radiocomunicación para o acceso aos servizos da Rede corporativa de comunicacións móbiles dixitais de emerxencia e seguridade de Galicia (expediente 11/2014)».
Cuarto. Na cláusula 2.1 do prego de cláusulas administrativas particulares, onde di:
«2.1. O presente procedemento de licitación ten por obxecto determinar, mediante un acordo marco, as condicións homologadas que se aplicarán, durante o prazo de vixencia previsto no número 7, aos contratos derivados que van adxudicar todos os órganos de contratación da Administración xeral da Comunidade Autónoma de Galicia e os seus entes instrumentais, así como as entidades ou consorcios locais que se adhiran por medio do correspondente convenio, relativos ao obxecto que se indica no número 2.2».
Debe dicir:
«2.1. O presente procedemento de licitación ten por obxecto determinar, mediante un acordo marco, as condicións homologadas que se aplicarán, durante o prazo de vixencia previsto no número 7, aos contratos derivados que van adxudicar todos os órganos de contratación da Administración xeral da Comunidade Autónoma de Galicia e os seus entes instrumentais, así como as entidades ou consorcios locais que se adhiran por medio do correspondente convenio, ou instrumento xurídico que permita a súa adhesión, relativos ao obxecto que se indica no número 2.2».
Quinto. Na cláusula 2.2 do prego de cláusulas administrativas particulares, onde di:
«O presente acordo marco será aplicable a todos os departamentos da Administración xeral da Comunidade Autónoma e ás entidades instrumentais do sector público autonómico, así como ás entidades e consorcios locais de ámbito autonómico que se adhiran mediante o correspondente convenio».
Debe dicir:
«O presente acordo marco será aplicable a todos os departamentos da Administración xeral da Comunidade Autónoma e ás entidades instrumentais do sector público autonómico, así como ás entidades e consorcios locais de ámbito autonómico que se adhiran mediante o correspondente convenio ou instrumento xurídico que permita a súa adhesión».
Sexto. Na cláusula 2.3 do prego de cláusulas administrativas particulares, onde di:
«Esta contratación responde á necesidade de dotar de terminais TETRA os usuarios da Rede corporativa de comunicacións móbiles dixitais de emerxencia e seguridade da Comunidade Autónoma de Galicia, así como os que se poidan incorporar mediante a sinatura do correspondente convenio».
Debe dicir:
«Esta contratación responde á necesidade de dotar de terminais TETRA os usuarios da Rede corporativa de comunicacións móbiles dixitais de emerxencia e seguridade da Comunidade Autónoma de Galicia, así como os que poidan incorporarse mediante a sinatura do correspondente convenio, ou instrumento xurídico que permita a súa adhesión».
As modificacións que se recollen na presente corrección de erros non afectan o prazo de presentación de ofertas.
Santiago de Compostela, 12 de decembro de 2014
Mar Pereira Álvarez
Directora da Axencia para a Modernización Tecnolóxica de Galicia