Xulgado de orixe/autos: procedemento ordinario 89/2012 do Xulgado do Social número 1 de Ferrol.

M. Socorro Bazarra Varela, secretaria xudicial da Sección Primeira da Sala Segunda do Social do Tribunal Superior de Xustiza de Galicia, fai saber que no procedemento recurso suplicación 1845/2013 desta sección, seguido por instancia de Navantia, S.A., José Aneiros Piñón contra Izar Construcciones Navales, S.A, Montajes Nervión, S.A., Sociedad Ibérica de Montajes Metálicos, S.A., empresa Ramón Rivera Seco, sobre outros dereitos seguridade social, se ditou a seguinte resolución:

«Resolvemos:

Que desestimando o recurso de suplicación interposto polo demandante José Aneiros Piñón e estimando o interposto por Navantia, S.A., contra a sentenza ditada polo Xulgado do Social número 1 de Ferrol con data do 26 de outubro de 2012, debemos revogar e revogamos parcialmente esa resolución, desestimando a demanda fronte a Navantia, S.A. a que absolvemos libremente dela, confirmando o resto dos pronunciamentos da sentenza impugnada.

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez (10) días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 35, seguida de catro díxitos correspondentes ao número do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «Observacións ou concepto da transferencia» os 16 díxitos que corresponden ao procedemento (1552 0000 80 ou 35 **** ++).

Así, por esta nosa sentenza, pronunciámolo, mandámolo e asinámolo».

Advírtese a parte en ignorado paradoiro de que, no sucesivo, se lle efectuarán as notificacións en estrados, salvo que se trate de autos, sentenzas ou emprazamentos, de acordo co prevido no artigo 59 da Lei de procedemento laboral.

E para que así conste para efectos da súa publicación no Diario Oficial de Galicia, co fin de que sirva de notificación en forma a Sociedad Ibérica de Montajes Metálicos, Ran Montajes Sid, empresa Ramón Rivera Seco, coa advertencia de que as seguintes comunicacións se farán en estrados, salvo as que sexan auto ou sentenza ou cando se trate de emprazamento, expido e asino este edicto.

A Coruña, 17 de novembro de 2014