O órgano instrutor do procedemento administrativo está a comprobar a documentación xustificativa do investimento levado a cabo polos concellos de Galicia que se acolleron á presente convocatoria de axudas.
Identificáronse varios expedientes que non reúnen algún dos requisitos exixidos nesta convocatoria para a correcta xustificación da subvención, polo que resulta procedente efectuar os oportunos requirimentos de emenda.
O artigo 12.2 das bases reguladoras dispón: «Tales requirimentos de emenda serán notificados de acordo co establecido na Lei 30/1992; porén, de conformidade co establecido no artigo 59.6.b da devandita lei, poderase substituír a notificación individual pola publicación no Diario Oficial de Galicia e a través do taboleiro electrónico habilitado para estes efectos na páxina web do Inega (www.inega.es), onde se establecerá o contido pormenorizado do requirimento que se fai. Poderase facer indicación expresa de que os seguintes actos administrativos do procedemento serán notificados a través do citado taboleiro».
En virtude do anterior,
RESOLVO:
Primeiro. Ordenar a publicación no Diario Oficial de Galicia (DOG) daquelas subvencións en que se aprecia a existencia de defectos na xustificación e deben ser obxecto de emenda, segundo se recolle no anexo desta resolución.
Segundo. Requirir os solicitantes incluídos no dito anexo para que, no prazo de dez (10) días hábiles contados desde o seguinte ao da publicación da presente resolución no Diario Oficial de Galicia, emenden a falta ou acheguen os documentos preceptivos conforme se lles indique na información detallada do requirimento dispoñible no taboleiro electrónico, ao cal se accederá a través da aplicación informática habilitada para estas axudas co usuario e contrasinal do solicitante, desde a páxina web do Instituto Enerxético de Galicia (www.inega.es), na epígrafe «Axudas Concellos Iluminación Exterior 2014».
Terceiro. De acordo co disposto no artigo 61.1 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, no suposto de falta de xustificación ou xustificación insuficiente producirase a perda do dereito ao cobramento total ou parcial da subvención, así como a exixencia de reintegro e demais responsabilidades establecidas na Lei 9/2007, de subvencións de Galicia.
Santiago de Compostela, 3 de decembro de 2014
Ángel Bernardo Tahoces
Director do Instituto Enerxético de Galicia
ANEXO
Requirimento de emenda da documentación xustificativa
IN417P - Renovación de instalacións de iluminación publica exterior (ILE)
Código expediente |
NIF |
Concellos ou agrupacións de concellos |
IN417P/14A8 |
P2704200A |
Paradela, Bóveda, Sarria, A Pobra do Brollón, Quiroga, Folgoso do Courel e Monforte de Lemos |
IN417P/14A10 |
P3200700G |
Bande, Celanova, Verea, Muíños, Ramirás, A Merca, Lobios, Lobeira e Quintela de Leirado |
IN417P/14A13 |
P1504700D |
Melide, Toques e Palas de Rei |
IN417P/14A21 |
P1503200F |
Boimorto, Curtis, Sobrado e Vilasantar |
IN417P/14A23 |
P1508200A |
Cerdido, Cedeira, Valdoviño, As Pontes de García Rodríguez e As Somozas |
IN417P/14A25 |
P3200400D |
Arnoia, Beade, Cortegada, Leiro, Cenlle |
IN417P/14A31 |
P2704800H |
A Pontenova, Mondoñedo, Alfoz, Trabada, Lourenzá, Burela, Foz, Cervo, Barreiros e Xove |
IN417P/14A34 |
P3601200C |
Cerdedo, Campo Lameiro, Cotobade, Cuntis, Moraña |
IN417P/14A35 |
P3606000B |
Catoria, Caldas de Reis, Pontecesures, Meis, Ribadumia, Sanxenxo, Poio, Meaño, Vilagarcía de Arousa |
IN417P/14A36 |
P1500011J |
Abegondo, Bergondo, Betanzos, Cambre, Carral, Culleredo, Oleiros e Sada |
IN417P/14A38 |
P1500029B |
Oza-Cesuras |
IN417P/14A41 |
P3600900I |
A Cañiza, Crecente, As Neves e Melón |
IN417P/14A42 |
P1502400C |
Cerceda, Oroso, Mesía e Tordoia |
IN417P/14A44 |
V36459709 |
Lalín, Silleda, Rodeiro, Agolada e Vila de Cruces |
IN417P/14A45 |
P3603800H |
Marín, Vilaboa e Pontevedra |
IN417P/14A47 |
P3603300I |
Mos, Fornelos de Montes, Mondariz, Mondariz-Balneario, Ponteareas e Salceda de Caselas |
IN417P/14A49 |
P1507800I |
Santa Comba, Ames, A Baña, Brión, Mazaricos e Val do Dubra |
IN417P/14A50 |
P2706400E |
O Vicedo, Mañón, Ortigueira, Ourol, O Valadouro e Cariño |
IN417P/14A51 |
P2702300A |
Guntín, O Páramo, O Corgo, Triacastela, Baralla, As Nogais, Friol e Láncara |
IN417P/14A52 |
P1506800J |
A Pobra do Caramiñal, Porto do Son, Boiro, Rianxo, Padrón, Dodro e Rois |
IN417P/14A56 |
P1508700J |
Trazo, Ordes e Frades |
IN417P/14A57 |
P1501500A |
Cabanas, A Capela, Ares, Fene, Miño, Mugardos, Neda, Paderne e Pontedeume |
IN417P/14A59 |
P3201400C |
Beariz, Boborás, Piñor, Carballeda de Avia e Ribadavia |
IN417P/14A61 |
P1503800C |
Cee, Corcubión, Fisterra, Dumbría, Camariñas e Vimianzo |