Tipo e número de recurso: recurso de suplicación 297/2013-MDM

Xulgado de orixe/autos: demanda 831/2010 Xulgado do Social número 3 da Coruña

Recorrente: Julio González Pedreira

Avogado: Ricardo López Mosteiro

Recorrida: Mutual Midat Cyclops

Avogado: Luis Manuel Rodero Díaz

Recorridos: Instituto Nacional da Seguridade Social, Tesouraría Xeral da Seguridade Social

Avogado: Servizo Xurídico da Seguridade Social (Provincial)

Recorrida: Alicatados Carballo, S.L.U.

Eu, María Isabel Freire Corzo, secretaria xudicial da Sala do Social do Tribunal Superior de Xustiza da Coruña, fago saber que no procedemento de recurso de suplicación 297/2013-MDM desta sección, seguido por instancia de Julio González Pedreira contra Mutual Midat Cyclops, o Instituto Nacional da Seguridade Social, a Tesouraría Xeral da Seguridade Social e a empresa Alicatados Carballo, S.L.U., sobre accidente de grao, se ditou sentenza de data 11 de novembro de 2014, cuxa parte dispositiva é a seguinte:

«Decidimos: estimando en parte o recurso de suplicación articulado por Julio González Pedreira contra a sentenza do Xulgado do Social número 3 da Coruña de data 2 de outubro de 2012, en autos número 831/2010, instados polo aquí recorrente fronte ao Instituto Nacional da Seguridade Social, a Tesouraría Xeral da Seguridade Social, a Mutua Cyclops (hoxe MC Mutual) e a empresa Alicatados Carballo, S.L.U., revogamos en parte a resolución de instancia e modificámola no sentido de que a base reguladora se fixa na suma de 1.104,43 euros, e mantense inalterada, nos demais pronunciamentos, a parte dispositiva da sentenza de instancia.

Notifíqueselles a presente resolución ás partes e ao Ministerio Fiscal.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Unha vez firme, expídase certificación para constancia na peza que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, pronunciámolo, mandámolo e asinámolo».

E para que sirva de notificación en legal forma a Alicatados Carballo, S.L.U., en ignorado paradoiro, expido o presente edicto para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan autos ou sentenzas, ou cando se trate de emprazamento.

A Coruña, 11 de novembro de 2014

Secretaria xudicial