A Orde do 21 de maio de 2014 ten por obxecto fixar as bases reguladoras e proceder á convocatoria para o ano 2014 dos programas de incentivos á contratación por conta allea que teñen por finalidade favorecer o emprego estable a través de diferentes programas (DOG nº 105, do 4 de xullo).
O artigo 31 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, establece que a alteración da distribución do crédito da orde de convocatoria entre os diferentes créditos orzamentarios non precisa dunha nova convocatoria pero si das modificacións que procedan no expediente de gasto, e da publicación nos mesmos medios que a orde de convocatoria.
Unha vez rematado o prazo de presentación de solicitudes establecido no artigo 5 da orde de convocatoria o pasado 30 de setembro, resulta que na aplicación orzamentaria 11.02.322C 460.0 código de proxecto 2014 00 519 destinada a financiar os contratos de formación e aprendizaxe realizados polos concellos e deputacións provinciais, obsérvase que existe un remanente que convén asignar ás solicitudes presentadas polas entidades sen ánimo de lucro e polas entidades beneficiarias establecidas no artigo 3 da orde co fin de optimizar os recursos dispoñibles para esta convocatoria e cubrir o maior número posible de actuacións, tramitándose a correspondente modificación orzamentaria para a redistribución dos créditos existentes.
Por todo o exposto, e no uso das facultados conferidas
RESOLVO:
Ordenar a publicación no Diario Oficial de Galicia da redistribución dos créditos orzamentarios da orde de convocatoria, Orde do 21 de maio de 2014 pola que se establecen as bases reguladoras do Programa de incentivos á contratación das persoas traballadoras, cofinanciado polo Fondo Social Europeo, e se procede á súa convocatoria para o
ano 2014, nos seguintes termos:
Aplicación orzamentaria |
Crédito inicial |
Redistribución |
Crédito definitivo |
11 02 322C 460.0 2014 00 519 |
400.000 euros |
140.000 euros |
260.000 euros |
11.02.322C 481.0 2014 00 521 |
20.000 euros |
116.000 euros |
136.000 euros |
11.02.322C 472.3 2014 00 519 |
3.287.500 euros |
24.000 euros |
3.311.500 euros |
Santiago de Compostela, 12 de novembro de 2014
Carmen Bouso Montero
Directora xeral de Traballo e Economía Social