Susana Varela Amboage, secretaria xudicial do Xulgado do Social número 3 de Santiago de Compostela, fai saber que no procedemento ordinario 645/2013 deste xulgado do social, seguido por instancia de Rubén González Olveira contra Indicon Galicia Compostela XXI, S.L., Fondo de Garantía Salarial (Fogasa), Juan A. Concheiro Liñares sobre ordinario, se ditou sentenza número 416, cuxo encabezamento e resolución son do teor literal:

«Sentenza.

Santiago de Compostela, 28 de outubro de 2014

Susana Villarino Moure, maxistrada xuíza do Xulgado do Social número 3 de Santiago de Compostela, vistos os presentes autos 645/2013, promovidos ante este xulgado do social sobre reclamación de cantidade, por instancia de Rubén González Oliveira contra Indicon Galicia Compostela XXI, S.L., que non comparece, a administración concursal Juan Concheiro Liñares, que non comparece, e o Fogasa, que non comparece, ditou a presente sentenza.

Resolvo que debo estimar e estimo a demanda presentada e, en consecuencia, condeno a Indicon Galicia Compostela XXI, S.L. a aboar a Rubén González Oliveira 4.155,73 euros, dos cales 3.270,39 euros devindicarán o xuro do artigo 29.3 do Estatuto dos traballadores nos termos e co límite do artigo 59 da Lei concursal, e 885,34 euros o xuro do artigo 1108 do Código civil co límite do artigo 59 da Lei concursal. Condeno o Fogasa a se ater a esta resolución nos termos do artigo 23.6, inciso primeiro, da Lei reguladora da xurisdición social e a administración concursal a se ater a esta resolución na dita condición.

Notifíquese a presente resolución ás partes e fágaselles saber que contra ela cabe recurso de suplicación no prazo de cinco días desde a súa notificación.

Lévese o orixinal desta resolución ao libro de sentenzas e déixese testemuño nas actuacións.

Así o acordo, mando e asino.

A maxistrada xuíza».

E para que sirva de notificación en legal forma a Indicon Galicia Compostela XXI, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 29 de outubro de 2014

A secretaria xudicial