Por petición da Comisión Xestora da Cámara Oficial de Comercio, Industria, Servizos e Navegación de Ferrol, a Dirección Xeral de Comercio, como órgano tutelante da dita cámara, dispón, coa finalidade de darlle unha maior publicidade, publicar o acordo acadado pola Xunta Electoral o 10 de outubro de 2014, que a continuación se transcribe:

«Proceder á disolución da Xunta Electoral para as eleccións á Cámara Oficial de Comercio, Industria, Servizos e Navegación de Ferrol xa que, de acordo coa certificación do secretario xeral da Cámara, ao non terse presentado ningunha candidatura e non poder realizarse eleccións, non é necesario cumprir o prazo sinalado no artigo 23 do Decreto 431/2009, do 19 de novembro, polo que se aproba o Regulamento de réxime electoral das cámaras oficiais de comercio, industria e navegación de Galicia.

Contra o presente acordo poderase interpor recurso de alzada ante a persoa titular do órgano tutelar, nos termos previstos na Lei 30/1992, do 26 de novembro, e segundo o disposto no artigo 22 do Decreto 431/2009, do 19 de novembro».

Santiago de Compostela, 27 de outubro de 2014

Sol María Vázquez Abeal
Directora xeral de Comercio