Sarai Paniagua Acera, secretaria do Xulgado de Primeira Instancia número 5 de Vigo, certifico que neste xulgado se tramitan autos arriba referidos nos cales de ditou o seguinte:
«Sentenza: 480.
Vigo, 2 de xullo de 2014.
María del Carmen Salvador Mateos, maxistrada xuíza titular do Xulgado de Primeira Instancia número 5 de Vigo e o seu partido, viu os autos seguidos neste xulgado baixo o número 1279/2013, sobre disolución do matrimonio por divorcio, actuando como demandante María José Nogueira Ureña, representada pola procuradora dos tribunais Carmen Hermida Portela, e con asistencia letrada de Rubén González Rodríguez, contra Claudio Leandro Costa Santiago, declarado en situación de rebeldía procesual, sobre a base dos seguintes:
(Seguen antecedentes de feito e fundamentos de dereito)
Decisión.
Na demanda interposta pola procuradora dos tribunais Sra. Hermida Portela, en nome e representación de María José Nogueira Ureña, contra Claudio Leandro Costa Santiago, declarado en situación de rebeldía procesual, estimo esta e declaro disolto, por divorcio, o matrimonio formado polos referidos cónxuxes, con todos os efectos legais inherentes á dita declaración.
Non se fai unha especial imposición en canto ás custas.
Firme que sexa esta resolución, comuníquese ao Rexistro Civil, onde consta a inscrición do matrimonio, co fin de que se proceda á súa anotación marxinal, deixando constancia de tal circunstancia nos autos.
Modo de impugnación: recurso de apelación no prazo de vinte días, desde a notificación desta resolución, ante a Audiencia Provincial.
Así, por esta a miña sentenza, da cal se expedirá testemuño para a súa unión aos autos, pronúncioo, mándoo e asínoo».
E para que conste e sirva de notificación a Claudio Leandro Costa Santiago, en ignorado paradoiro, expido e asino o presente edicto.
Vigo, 16 de outubro de 2014
A secretaria xudicial