O xefe territorial da Consellería de Economía e Industria en Pontevedra ditou os acordos de incoación de expediente sancionador en cumprimento da Lei 22/1973, do 21 de xullo, de minas, e da Lei 3/2008, do 23 de maio, de ordenación da minaría de Galicia, que ten por obxecto o desenvolvemento do réxime xurídico das actividades mineiras en Galicia en condicións de sustentabilidade e seguridade, constituíndo o seu incumprimento infracción grave segundo o artigo 58.b), j) e k) da Lei 3/2008, e do artigo 121.2.c), d), e) e f) da Lei 22/1973.
Intentada a notificación dos acordos de incoación de expediente sancionador relacionados no anexo, de conformidade co disposto no artigo 59.1 da Lei 30/1992, do 26 de novembro, de réxime xurídico das administracións públicas e do procedemento administrativo común, e non sendo posible a súa práctica, por medio desta cédula notifícase aos interesados o acordo de incoación de expediente sancionador para que poidan ter coñecemento del, segundo o disposto no artigo 59.5 da referida lei.
Advírtese aos interesados que, de conformidade co disposto no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, concédeselles un prazo de quince (15) días para presentar na Xefatura Territorial da Consellería de Economía e Industria de Pontevedra cantas alegacións e/ou documentos consideren convenientes e, se for o caso, propor proba, concretando os medios de que pretendan valerse.
Así mesmo, terán dereito a consultar o expediente nas dependencias desta xefatura territorial, sitas na avenida Fernández Ladreda, 43, Pontevedra.
Pontevedra, 20 de outubro de 2014
Ignacio Rial Santomé
Xefe territorial de Pontevedra
ANEXO
Relación de acordos de incoación de expediente sancionador
no procedemento IN635C
Nº de expediente |
Destinatario |
Enderezo |
Concello |
Causa |
2014/156 |
Rodríguez Cea, Roberto |
Vilas, núm. 39 |
Gondomar |
Incumprimentos da lexislación vixente |
2014/159 |
Granitos Penalonga, S.L. |
Estrada N-120, p.q. 597,6, Quins |
Melón |
Incumprimentos da lexislación vixente |