María Isabel Freire Corzo, secretaria xudicial da Sala do Social do Tribunal Superior de Xustiza de Galicia, fago saber que no procedemento recurso suplicación 3039/2012 desta Sección, seguido por instancia de Víctor Ramos Barbeito contra o Instituto Nacional da Seguridade Social, Escuadria 2007, S.L. sobre xubilación, se ditou sentenza o día 15 de setembro de 2014 que, copiada nos particulares necesarios, di:

Resolvemos que debemos declarar e declaramos non admisible a trámite, por razón da contía litixiosa, o recurso de suplicación interposto pola letrada Lidia Vázquez Méndez, en nome e representación de Víctor Ramos Barbeito, contra a sentenza ditada con data do vinte e tres de setembro de dous mil once polo Xulgado do Social número 2 dos da Coruña, en autos 924/2009, seguidos por instancia do recorrente contra o Instituto Nacional da Seguridade Social e a empresa Escuadrería 2007, S.L., sobre diferenzas da prestación de xubilación, declarando igualmente a nulidade de todas as actuacións do citado xulgado do social desde a admisión a trámite do recurso de suplicación e declarando firme a sentenza de instancia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta Sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co nº 1552 0000 35, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos
0049 3569 92 0005001274 e facer constar no campo «Observacións ou Concepto da transferencia» os 16 díxitos que corresponden ao procedemento (1552 0000 80 ou 35 **** ++).

A interposición de recurso de casación na orde social exixe o ingreso dunha taxa no Tesouro Público. Os termos, as condicións e a contía deste ingreso son os que establece a Lei 10/2012, do 20 de novembro, nos artigos 3 (suxeito pasivo da taxa), 4 (exencións á taxa), 5 (devindicación da taxa), 6 (base impoñible da taxa), 7 (determinación da cota tributaria), 8 (autoliquidación e pagamento) e 10 (bonificacións derivadas da utilización de medios telemáticos). Esta lei ten desenvolvemento regulamentario na Orde HAP/2662/2012, do 13 de decembro.

E para que así conste, para efectos da súa publicación no Diario Oficial de Galicia, co fin de que sirva de notificación en forma a Escuadria 2007, S.L. actualmente en ignorado paradoiro, con último domicilio coñecido na rúa Enrique Dequidt, 16, 1º dta., A Coruña, coa advertencia de que as seguintes comunicacións se farán en estrados, salvo as que sexan auto ou sentenza ou cando se trate de emprazamento, expido e asino este edicto.

A Coruña, 6 de outubro de 2014

A secretaria xudicial