O Pleno da Corporación, en sesión que tivo lugar o día 28 de agosto de 2014, acordou desestimar as alegacións presentadas e aprobar definitivamente o expediente 17/2013.PERI do Plan especial de reforma interior da UA 8, tramitado de oficio e redactado por Monteoliva Arquitectura, S.L.P.
A dita aprobación definitiva foi comunicada á Consellería de Medio Ambiente, Territorio e Infraestruturas o 12 de setembro de 2014.
Contra o acordo de aprobación definitiva do Plan especial de reforma interior, instrumento de planeamento que ten natureza de disposición xeral, poderase interpoñer recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do día seguinte ao da publicación deste anuncio (artigo 46 da Lei 29/1998, do 13 de xullo, reguladora da xurisdición contencioso-administrativa).
Arteixo, 15 de setembro de 2014
Por delegación (Decreto nº 989/2011, do 21 de xuño)
Luís Alberto Castro Calvete
Concelleiro de Urbanismo