Intentada a notificación persoal e devoltas polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, por esta cédula notifícaselle á empresa relacionada no anexo a resolución recaída no expediente sancionador en materia de relacións laborais.

Comunícaselle que a dita resolución non pon fin á vía administrativa e o interesado poderá formular recurso de alzada, no prazo dun mes contado desde a súa publicación, ante a conselleira de Traballo e Benestar, de acordo co establecido nos artigos 114 e 115 da citada Lei 30/1992, do 26 de novembro, modificada pola Lei 4/1999, do 13 de xaneiro.

Advírteselle que, de non interpoñer o citado recurso, terá que aboar a multa imposta mediante a necesaria utilización do impreso que poderá solicitar nos servizos centrais da Consellería de Traballo e Benestar, no número de conta, na entidade bancaria e prazo que nel se sinala, dentro do prazo do pagamento do período voluntario, xa que, noutro caso, se incoará o procedemento pola vía de constrinximento.

Santiago de Compostela, 23 de setembro de 2014

Odilo Martiñá Rodríguez
Director xeral de Traballo e Economía Social

ANEXO