Mediante Resolución do 27 de agosto de 2014, o presidente de Portos de Galicia, en virtude das competencias conferidas polo artigo 6.3.g) da Lei 5/1994, do 29 de novembro, de creación da entidade pública Portos de Galicia, no artigo 9.h) do Decreto 227/1995, do 20 de xullo, polo que se aproba o Regulamento da entidade pública, e sobre a base da acta da mesa de contratación reunida o día 22 de xullo de 2014, en que se formula proposta de deserto por non presentación de ofertas e en cumprimento do previsto no segundo parágrafo do artigo 151.3 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, resolveu declarar deserto o procedemento aberto publicado no DOG número 118, do 23 de xuño de 2014, para a selección de oferta para a tramitación de ocupación de dominio público portuario con destino á explotación da edificación localizada no porto deportivo de Sada, parcela A3, para desenvolvemento de actividades portuarias e complementarias destas, ao non presentarse ningunha oferta.

Contra a presente resolución, que pon fin á vía administrativa, poderase interpoñer recurso contencioso-administrativo perante o Xulgado do Contencioso-Administrativo no prazo de dous meses, contados desde o día seguinte ao da notificación da presente resolución, ou potestativamente recurso de reposición perante o mesmo órgano que a ditou, no prazo dun mes contado desde o día seguinte ao da recepción da presente resolución (artigos 116 e 117 LRXPAC).

O que se fai público en cumprimento do disposto no artigo 60 da Lei de réxime xurídico das administracións públicas e do procedemento administrativo común.

Santiago de Compostela, 27 de agosto de 2014

José Juan Durán Hermida
Presidente de Portos de Galicia