De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícase mediante a publicación no Diario Oficial de Galicia e exposición no taboleiro de edictos do Concello de Colmenar Viejo (Madrid) á mercantil Construcciones y Promociones Serjoda, S.L. orde de retirada de entullo procedente da construción dunha obra depositado sen autorización na explanada do porto de Vilaxoán, por non ser posible a notificación a través do servizo de Correos no último enderezo coñecido sito na rúa Cadena, 4, 1º, de Colmenar Viejo, Madrid.
O presente acto administrativo que emite a Dirección da entidade pública Portos de Galicia en virtude das competencias previstas no artigo 9.3.a) da Lei 5/1994, do 29 de novembro, de creación de Portos de Galicia, emítese ao abeiro da regra novena de aplicación á tarifa portuaria E-2, que se recolle na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, que di expresamente o seguinte: «A ocupación de superficies portuarias requirirá a autorización previa da dirección do porto correspondente. No caso de ocupación de superficie sen contar con esta autorización, a tarifa que se aplicará durante o prazo de ocupación será o quíntuplo da que con carácter xeral lle correspondería, sen prexuízo de que Portos de Galicia poida proceder á retirada dos materiais depositados, polo que pasará o correspondente cargo e en todo caso o valor deles responderá dos gastos de transporte e almacenaxe».
A retirada do entullo e a reposición da parcela ao seu estado orixinal deberá realizarse nun prazo máximo de cinco (5) días contados desde a publicación da presente cédula no Diario Oficial de Galicia e exposición no taboleiro de edictos do Concello de Colmenar Viejo.
Caso de incumprimento, Portos de Galicia procederá sen mais trámites e á súa custa a retirar e trasladar o entullo a vertedoiro autorizado, polo que lle pasará o oportuno custo, e todo iso sen prexuízo da aplicación da tarifa portuaria E-2, conforme a regra novena antes exposta, e da incoación de procedemento administrativo sancionador.
O presente acto administrativo, que ten eficacia executiva, non esgota a vía administrativa, e contra el poderase interpoñer recurso de alzada perante a Presidencia de Portos de Galicia nun prazo máximo dun mes contado desde o día seguinte ao da súa publicación ou exposición.
E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 12 de agosto de 2014
José Ignacio Villar García
Director de Portos de Galicia