O Concello Pleno, en sesión extraordinaria do 9 de xullo de 2014, acordou, entre outros, o seguinte, facendo constar que con esta mesma data se remitiu a documentación á Consellería de Medio Ambiente, Territorio e Infraestruturas:
Primeiro. Aprobar o documento número 9038, do 19 de xuño de 2014, denominado adaptación do PXOM de Oleiros á Lei 8/2012, de vivenda de Galicia, en canto ás porcentaxes de vivenda sometida a algún tipo de protección, polo que se modifica o criterio vixente do PXOM para a fixación da porcentaxe de reserva de solo para vivendas sometidas a algún réxime de protección pública, en uso das facultades que outorga o artigo 47.11 da LOUGA, substituíndoo polo criterio de tomar como referencia para tal efecto a demanda potencial de vivenda protexida, con base no número de inscritos como solicitantes deste tipo de vivendas no Rexistro Único de Demandantes de Vivenda da Comunidade Autónoma de Galicia, e todo isto conforme as determinacións legais vixentes.
Segundo. En consecuencia, fixar como porcentaxe de reserva de solo para vivendas sometidas a algún réxime de protección pública no termo municipal o 10 % da edificabilidade residencial prevista pola ordenación urbanística do PXOM, no solo que vaia ser incluído en actuacións de urbanización (solo urbano non consolidado e urbanizable), substituíndo todas as referencias do PXOM vixente que resulten incompatibles con esta determinación.
Terceiro. Aprobar as novas porcentaxes de reserva de solo para vivendas sometidas a algún réxime de protección pública nos ámbitos de solo urbano non consolidado e solo urbanizable delimitado que figuran na táboa do punto sétimo. Para os solos urbanizables non delimitados, como regra xeral destinar o 10 % da edificabilidade residencial de cada plan de sectorización a vivenda suxeita a algún réxime de protección pública.
Cuarto. Estas porcentaxes son de aplicación ao Plan parcial SUD-11, SUD-7, SUD-1, SUD-2 e POL-16, de conformidade co informado.
Oleiros, 21 de xullo de 2014
Ángel García Seoane
Alcalde presidente