Anuncio de aprobación definitiva do estudo de detalle presentado por Construccións e Saneamentos A Piunca, S.L. para regular a adecuación volumétrica da implantación da edificabilidade permitida na parcela Val da Fonte con fronte á avenida de Sarria en Portomarín.

O Concello Pleno, en sesión que tivo lugar o 5 de agosto de 2014, adoptou, entre outros, o seguinte acordo:

1. Aprobar definitivamente o estudo de detalle na parcela Val da Fonte con fronte á avenida de Sarria de Portomarín, tendo en conta as condicións expostas nos informes sectoriais.

2. Comunicarlle o acordo á consellería competente en materia de Urbanismo e publicar o acordo no BOP e no DOG.

De conformidade co establecido no artigo 92 da Lei 9/2002, do 30 de decembro, de ordenación urbanística e protección do medio rural de Galicia (modificada pola Lei 15/2004; Lei 6/2008; Lei 18/2008; Lei 2/2010; Lei 15/2010 e Lei 9/2013) procédese á súa publicación no Diario Oficial de Galicia e no Boletín Oficial da provincia de Pontevedra e remítese á Consellería de Medio, Territorio e Infraestruturas unha copia dilixenciada do estudo aprobado definitivamente con todos os planos e documentos que o integran.

Contra este acordo, que pon fin á vía administrativa, poderase interpoñer recurso contencioso-administrativo no prazo de dous meses contado desde o día seguinte ao da publicación deste anuncio ante o Tribunal Superior de Xustiza de Galicia, sen prexuízo de calquera outro recurso ou acción que crean oportuno

Portomarín, 12 de agosto de 2014

Juan Carlos Serrano López
Alcalde