Aprobado pola Xunta de Goberno Local, en sesión do 4 de agosto de 2014, o prego de cláusulas que rexerá o procedemento aberto, cun só criterio de adxudicación, para o alleamento mediante compravenda da parcela nº 307-A do Plan xeral da zona de concentración parcelaria de Xinzo de Limia, no sitio de Veiga, propiedade deste concello, con destino a solo industrial, anúnciase a apertura do procedemento de licitación:
1. Entidade adxudicadora:
a) Organismo: Concello de Xinzo de Limia.
b) Dependencia: Secretaría.
2. Obxecto do contrato: alleamento da parcela coa seguinte descrición:
a) Parcela nº 307-A do Plan xeral da zona de concentración parcelaria de Xinzo de Limia, no sitio de Veiga, propiedade deste concello, con destino a solo industrial.
b) Superficie catastral: 72.655,5 m2.
c) Lindeiros: norte, Digna Fuentes Santana (303), Hortensia Gómez e outros (304), e Generosa Ramos Justo (305). Sur, camiño. Este, camiño. Oeste: resto predio matriz 307-B.
d) Descrición urbanística: clasificación do solo: solo urbanizable. Categoría do solo: solo urbanizable delimitado ou inmediato (SU1). Sector: 3. Polígono: I do proxecto sectorial de parque empresarial. Uso: industrial. Edificabilidade máxima sobre parcela neta (m2/m2): 0,84. Recuamento fachada: 8-8. Recuamento fondo: 5-5. Altura planta: mínima 7,5 m e máxima 16 m (poderá aumentarse por razóns xustificadas). Ocupación máxima sobre parcela neta: 85 %. Gastos de urbanización polígono I onde se sitúa parcela: 813.378,24 €; o adxudicatario subrogarase nos restantes compromisos asumidos polo Concello coa sinatura o 21.10.2013 do convenio urbanístico con Xestur Ourense, S.A.
e) Inscrición rexistral: o predio atópase inmatriculado a nome do Concello de Xinzo de Limia, no Rexistro da Propiedade de Xinzo no tomo 787, libro 217, folio 71, inscrición 1ª, con data do 26.1.2009.
f) A venda realízase en concepto de corpo certo segundo o establecido no prego de cláusulas.
3. Tramitación, procedemento e forma de adxudicación: ordinaria, aberto e cun só criterio de adxudicación.
4. Tipo de licitación: o prezo da parcela obxecto de alleamento é de 758.602,19 € (IVE incluído), e debe entenderse como mínimo, debendo realizarse as ofertas á alza. As ofertas con prezo inferior serán desbotadas. O pagamento do prezo farase na forma prevista na cláusula 14ª do prego.
5. Garantía provisional: 3 % do prezo de licitación, excluído o IVE.
6. Garantía definitiva: 5 % do importe de adxudicación, excluído o IVE. No suposto de pagamento aprazado, cun prazo máximo de seis meses, a garantía deberá cubrir o importe total de prezo de adxudicación.
7. Obtención de documentación e información:
a) Entidade: Concello de Xinzo de Limia. Rúa Curros Enríquez, 15, 32630 Xinzo de Limia, Ourense. Teléfono: 988 55 51 11. Fax: 988 55 51 12. Correo electrónico:
secretario@xinzodelimia-ayto.com. O prego estará exposto no perfil do contratante da Deputación Provincial de Ourense para os efectos de facilitar o acceso a este:
http://dpou.depourense.es/on-line/perfil/
8. Requisitos específicos do contratista: cláusula 7ª e 8ª do prego.
9. Presentación de ofertas/propostas:
a) Prazo de presentación: quince (15) días naturais contados a partir do seguinte ao da publicación deste anuncio no DOG.
b) Documentación que cómpre presentar: a establecida na cláusula 8ª do prego. A proposta axustarase ao modelo que figura nesta cláusula.
c) Lugar de presentación: Rexistro Xeral do Concello, das 8.00 ás 14.30 horas. A documentación poderá igualmente remitirse por correo, nas condicións previstas no artigo 80.4 do Regulamento xeral da Lei de contratos das administracións públicas.
10. Apertura de ofertas: concluído o prazo de presentación de propostas, constituirase a mesa de contratación na forma prevista na cláusula 9ª do prego, na sala de xuntas do Concello, no día hábil seguinte a aquel en que finalice o prazo de presentación de propostas. Considéranse inhábiles para estes efectos os sábados; o dito acto será público.
11. Criterio de adxudicación: exclusivamente o prezo ofertado; o contrato adxudicarase a aquel licitador que oferte o maior prezo.
12. Gastos: os gastos que deriven dos trámites de preparación, adxudicación e formalización do contrato, incluídos os de inserción de publicidade en boletíns oficiais, serán por conta do comprador nos termos reflectidos no prego.
Xinzo de Limia, 4 de agosto de 2014
Antonio Pérez Rodríguez
Alcalde