A Corporación Municipal en pleno, en sesión que tivo lugar o 28 de xullo de 2014 adoptou, entre outros, o seguinte acordo:
Primeiro. Prestar aprobación inicial ao proxecto de delimitación do polígono de expropiación de terreos pertencentes a particulares incluídos no ámbito do Plan especial de infraestruturas e dotacións da zona E69B do PXOM de Sanxenxo, no Rebel-Vilalonga. Relación de propietarios e de bens e dereitos afectados, elaborado por Rafael Vázquez Abal e Juan Lorenzo Ramírez o 4 de xullo de 2014.
Segundo. Someter a información pública o expediente polo prazo de quince (15) días, mediante a publicación do acordo de aprobación inicial no Boletín Oficial da provincia de Pontevedra (BOP de Pontevedra), no Diario Oficial de Galicia (DOG) e no taboleiro de anuncios do Concello de Sanxenxo, con notificación individualizada aos interesados no expediente indicando os seus bens e dereitos afectados.
Terceiro. Requirir aos interesados co fin de que presenten os títulos de propiedade dos seus bens e dereitos afectados.
Sanxenxo, 29 de xullo de 2014
Catalina González Bea
Alcaldesa